Abok nggwe-ge at owosirak sebelas na mburu nonggolat worakmu-ge, it inmbiri bem nam agaij-o. Nam lug-e, at uruk yidnak iri na kaiga nap-nen yidnak wene-ge te rak pigarik me, ir-e ndemerer-o luk, inndi angin tubu yigit lak yiga bem-e, met inpij-o.
Kin wok obogolikma-ge, Yesus-nen it yak ondosolar-e: ”Kit tet kinndi yebet kali bug-a? Mbepme nggwe-nen ap unlum arem pil nggugwi iri-nen-e ap meya rak onposo buk iri-ge kir-e kenaru bug-a?
Yak ondosoloma-ge, wene yak indid na-ge abu waniga-t nde, ”Ap wat yidnak ennggendumu-nen uruk yurak yid iri-ge no yosolat-nen yij-o?” luk it nak it nak yak kerak mbiga-o.
Wene iri na ebe-ge it enambigir-e kurak yidnak me, at owosirak-nen-e wene na oboksa-ge marig-et ter-o luk yenggerak pigit lak yogolar-e, ir-e ”No wene nde yusu-o?” luk kabak yiga-o.
Yak unduruk, Mbal Pem Nagawan engga bem-nen mbaridnak iri na ebe-ge iri yosolat-nen yamu-o, luk yebet kujwaklug-e, Yesus-nen it inndi tu kuwarak posolat-nen
Alat nde, Yesus owosirag-e wene na-ge yebet kagit lag-o. Wene na it yebet kagit lak makluk, kura bij-o. Nde, ir-e wene na at kin wok uburag-e kwiye-nen larok yiga-o.
Nde, iri kwat ibidnak tarem-e Yesus owosirak na-nen inndi yebet kagit lak woraiga-t nde, Yesus na uruk luk unu kek tak posoloma-ge, at imin yidnak engga wene na yebet karuk, ap-nen iri nggal kwat ibidnak nde yebet kaiga-o.
Yogolikma-ge, it-nen at kin wok uburak peraidnak na yenggerak karuk, Yesus-nen it yak ondosolar-e: ” ’Siyag-et nak worarug-e an neyagup pug-o. Iri luk, siyag-et nak woraruk, an neyagup-o’ luk yak kindigi na bem kir-e kin wok kerak mbili-a?