MARAKUS 9:25 - Nanduk Ngget Tul Pidnak Wene

²⁵ Yosoloma-ge, Yesus-nen ap kwarat ereba na at eram ndok worogola karug-e, at-nen kugi meya na wirik posolat-nen yak tosolar-e: ”Kugi meya kat-nen ndowaga, ap enne lak tak posolat, ap eneyanggo lak tak poso kugi meya wa-e. Nene amawi min yak kurusu-o. Kugi kar-e la yu arem tuguruk nggurag-e mondok lik lak sa-o. Mondok mbiri-o” luk yak tij-o.

MARAKUS 9:25 ပူးပေါင်းရင်းမြစ်များ

MATIUS 12:22

Iri luk, ap-nen-e kugi arem nggwidnak nap erengen ngguru, ene lak yidnak nap mbi Yesus eram waruk lobok yiga-o. Waruk lobok yogolikma-ge, Yesus-nen ap iri na ki rak posola, ap iri-nen ene yosolat, erengen-nen kasolat yij-o.

MATIUS 17:18

Iri luk, Yesus-nen ene amawi min-et kugi na yak tosolar-e: ”Mbiri-o” luk yak tosoloma, kugi na mborosola ereya na-net la iri na ki yij-o.

MARAKUS 9:15

Nde, ereya na-net ap iri na pidsa Yesus kagoluk, wendet luk, at eram puburak mbirigarig-e, wa yak tiga-o.

MARAKUS 9:24

Yak tosoloma ereya na-net la na eid-nen ene ngguloksa yosolar-e: ”An nindi angin tubu yusu-t nde, kwara nindi angin tubu yusu buk-nen kwara nindi angin tubu yek-nen yongga niri-o” luk yij-o.

MARAKUS 9:26

Yak tosoloma-ge, kugi na ngasilek luk, la iri na yugup tugup tak puruk, at arem-nen mborosoloma, la na-ge ap lugunik nggal nde kaiga-o. Karuk, it pidsa-nen yogolar-e: ”La yu-ge abu wat yamu-o” luk yiga-o.

LUKAS 11:14

Misik pem-e Yesus-nen ene lak kugi mbi ap mbi arem-nen wirik pij-o. Nde, kugi na mborosola-ge, ap iri na ene worak alama-ge, ap kwarat iri-ge wi langgu mbariga-o.

LUKAS 4:35

Yosoloma-ge, Yesus-nen kugi iri met posolat-nen yak tosolar-e: ”Ke-ne lak luk, ap yu arem-nen mbiri-o!” luk yak tosoloma-ge, kugi na-nen it pidsa ennggendumu-nen ap na mbud tak uburuk, at arem-nen mborosolar-e, andi bandi rak ibigit lak irit mbirij-o.

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

LUKAS 8:29

Nde, iri yid iri-ge Yesus-nen-e: ”Kugi yu-ge ap yu arem-nen mbiri-o” yak tidnak pem-nen yij-o. Pempa kugi iri-nen ap yu na lombok tosola-ge, ap-nen posid kere-nen at inggi ijok kamasa keya bidnag-et nde, posid kere iri-ge mbarep parep tak puruk, kugi na-nen-e ap yu na karu me waruk mboroso-o.

LUKAS 9:42

La na Yesus eram mborosoma-ge, kugi na-nen la iri na mbud tak puruk, inggi lele owak lele rak pij-o. Alama-ge, Yesus-nen-e: ”Kar-e mbiri-o” luk kugi na met puruk, la na ki rak puruk, waga eid eram pij-o.

YIDNAK YIDNAK WENE 16:18

Iri nggal kwarosolar-e, kwarat tarem nggal nene yij-o. Alama, Paulus na puk momtag-e meya alama-ge, nden karuk, kugi na yak tosolar-e: ”Yesus Kerisut unu bem kwe yu arem-nen mbiri-o” luk yak tosola ereya na-net kugi na-ge kwe na arem-nen mbirij-o.

YURAS 1:9

Iri kwatli iri-ge, aid nap nagawan Mikael na-nen iri nggal kwarigit lag-o. Mikael na-ge Musa orogak wene lit lit Sere imin ngguno pogolar-e, Mikael-nen Sere na mbilaro ngin wene yak turag-e kwiye ala, yu nggal yak tij-o: ”Nagawan Indo-nen met kubuwa-o” luk yij-o.