MARAKUS 9:19 - Nanduk Ngget Tul Pidnak Wene

¹⁹ Yosoloma-ge, Yesus-nen it yak ondosolar-e: ”Kinndi angin tubu yugwi buk nap wa-e. Nunggwirik tarem nggal kinmin woramin-o? Nunggwirik tarem nggal kinmin momak puruk woramin-o? La iri-ge an neram waruk lobok yer-o” luk yak indij-o.

MARAKUS 9:19 ပူးပေါင်းရင်းမြစ်များ

WONARIDNAK WENE 14:11

Nagawan Indo-nen Musa yak tosolar-e: ”It yu-ge pempa an nimin eyak wat tenag-et wolma? It enlem yu-ge an-nen-e kwiye worak mende it ennggendumu kwarat kwarusu-t nde, noluk-nen an nebem inndi angin tubu yili bug-o?

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.

WONARIDNAK WENE 14:27

”It meya yugwi nap ereba-nen an nebem ’Yu-o, iri-o’ luk yane wat tenak worali iri-ge, mepme tarem-nen keya buwa-o? It-nen yane witli ereba-ge an-e abu kulusu-o.

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MARAKUS 16:14

Abok nggwe-ge at owosirak sebelas na mburu nonggolat worakmu-ge, it inmbiri bem nam agaij-o. Nam lug-e, at uruk yidnak iri na kaiga nap-nen yidnak wene-ge te rak pigarik me, ir-e ndemerer-o luk, inndi angin tubu yigit lak yiga bem-e, met inpij-o.

MARAKUS 9:18

Kugi meya iri na-nen kwat obosolar-e, ebe-ge nggweyak pem lel nggwel tak obosolat, emende nggwe-nen-e eragup kilarosolat, eyak ene nggirit mak tak posolat, inggi owak kambung puk tak posolat yoso-o. Iri yosola karuk, an-e kat kowosirak inmin-e ’Kugi wirik per-o’ luk yak indigi-t nde, it-nen wirik purag-e meya-o” luk yij-o.

MARAKUS 9:20

Yak ondosoloma-ge, it-nen la iri-ge at eram waruk lobok yogolikma-ge, kugi meya na-nen Yesus karug-e, ereya na-net la iri na yugup tugup tak posolar-e, la na nggweyak ma mbud luk kendam posolar-e, emendam nggwe-nen eragup kilara wagaij-o.

LUKAS 24:25

Yogolikma-ge, at-nen it yak ondosolar-e: ”Kir-e ndemeret wid-nen yili-o. Mbal Pem Nagawan ene lomboksa yugwi nap-nen yidnak wene oboksa bem kinndi kwara angin tubu yigit lak yu-ge ngge-o!

LUKAS 9:41

Yosoloma-ge, Yesus-nen yosolar-e: ”Kit kinndi angin tubu yugwi buk, lugud tak nggwe nak kwarugwi nap wa-e. Kit kinmin nunggwirik tarem nggal woramin-o? Kit kinmin nunggwirik tarem nggal mamak puruk woramin-o?” luk, ”Kambara na waruk lobok yij-o” luk eid na yak tij-o.

YOANES 12:27

Yuruk, Yesus-nen yosolar-e: ”Yawo-ge an nindi andi kwarat yidnak me, no wene nde yimin-o? ’Neid wa-e. Iri kwat nuburak tarem-e an nebem wok ma naru, nimiri yi-o’ luk yimin, lak? Lag-o. Iri kwat nuburak pem-et lobok yigi-o.

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

TUGURUK YIDNAK WENE 32:20

Keya unpuruk-nen yosolar-e: ’It enlem iri-ge wene kulugwi buk, an-nen yidnak mot mot mondok kwarugwi buk me, ir-e lak yogola eneyasolar-et nde, mondok yongga indimin pug-o.