MARAKUS 9:17 - Nanduk Ngget Tul Pidnak Wene

¹⁷ Yosoloma-ge, ap kwarat na ennggendumu-nen ap misik-nen Yesus yak tosolar-e: ”Nggomo Nondoso Nap wa-e. An nambara yu-ge kugi meya mbi at arem lin yosolar-e, at ene lak tak pidnak ala-n, an-e kat keram waruk lobok yigi-o.

MARAKUS 9:17 ပူးပေါင်းရင်းမြစ်များ

MATIUS 12:22

Iri luk, ap-nen-e kugi arem nggwidnak nap erengen ngguru, ene lak yidnak nap mbi Yesus eram waruk lobok yiga-o. Waruk lobok yogolikma-ge, Yesus-nen ap iri na ki rak posola, ap iri-nen ene yosolat, erengen-nen kasolat yij-o.

MATIUS 17:15

at yak tosolar-e: ”Nagawan Indo wa-e. An nambara abuwa ki-o. At iri-ge wat wat yoso kugi ebem mbidnak me, wat nak yoso-o. Wat yosolar-e, kan ma mbud yosolat, yi ma mbud yosolat kwat tenak woraso-o.

MATIUS 9:32

Mberen nap iri na mborogola ereya na-net at arem-e kugi worasola me, ene lak tak pidnak nap misig-e Yesus eram wok uburuk lobok yiga-o.

MARAKUS 10:13

Nde, Yesus inggi-nen tena unpuwakluk, ap erep-nen-e li marik marik Yesus eram wok unpuruk lobok yiga-t nde, at owosirak-nen-e ap ereba na met inpiga-o.

MARAKUS 5:23

Tud luk, ar-e kiri keresa Yesus emengen mbarosolar-e: ”An nara marik wat teyekluk yusu-o. Kat lobok yugundik an nara kinggi tena buruk, ki rak posola, uruk mag-o” luk yosoloma-ge.

MARAKUS 7:26

Nde, kwe iri-ge Yawuri kwe-ge lag-o. Are, Siria Penisia kwe-o. Nde, kwe iri na-nen at ara arem-nen kugi meya iri wirik puwakluk Yesus emengen kiri keresa mbarij-et nde,

MARAKUS 9:16

Nde, Yesus-nen at owosirak iri kin wok onposolar-e: ”Kir-e imiri mbarak pidnak wene enaru nap inmin-e no wene lit kaigepndik-nen nggok tak pili-o?” luk kin wok inpij-o.

MARAKUS 9:18

Kugi meya iri na-nen kwat obosolar-e, ebe-ge nggweyak pem lel nggwel tak obosolat, emende nggwe-nen-e eragup kilarosolat, eyak ene nggirit mak tak posolat, inggi owak kambung puk tak posolat yoso-o. Iri yosola karuk, an-e kat kowosirak inmin-e ’Kugi wirik per-o’ luk yak indigi-t nde, it-nen wirik purag-e meya-o” luk yij-o.

MARAKUS 9:25

Yosoloma-ge, Yesus-nen ap kwarat ereba na at eram ndok worogola karug-e, at-nen kugi meya na wirik posolat-nen yak tosolar-e: ”Kugi meya kat-nen ndowaga, ap enne lak tak posolat, ap eneyanggo lak tak poso kugi meya wa-e. Nene amawi min yak kurusu-o. Kugi kar-e la yu arem tuguruk nggurag-e mondok lik lak sa-o. Mondok mbiri-o” luk yak tij-o.

LUKAS 11:14

Misik pem-e Yesus-nen ene lak kugi mbi ap mbi arem-nen wirik pij-o. Nde, kugi na mborosola-ge, ap iri na ene worak alama-ge, ap kwarat iri-ge wi langgu mbariga-o.

LUKAS 9:38

Nde, ap ereba na enggendumu-nen ap misik-nen ene nggoksa yosolar-e: ”Mul Nondoso Nap wa-e. Nap wa-o. An nambara misiget nak nderak yu nde, kat-nen kanokluk pil lobok yigi-o!

YOANES 4:47

Nde, ”Yesus na Yurea-nen Nggalilea wok yij-o” yogola kuluruk, ap iri na Yesus eram mberarik, at emengen mbarosolar-e: ”An nambara-ge komo wat eyekluk yusu me, ki rak ponok-nen Kaperenaum mburuwog-o” luk yij-o.