MARAKUS 9:12 - Nanduk Ngget Tul Pidnak Wene

¹² Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

MARAKUS 9:12 ပူးပေါင်းရင်းမြစ်များ

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 50:6

An-nen-e an nombol-e an nitli nap enambigit nuk kagi-o. An nerabengen-e an nondoksu lit yaga pinili nap enambigit nuk kagi-o. Ap-nen nggweyel nobogolat, wusi tebal nobogola-ge, nerare kurakit lak, larok nak yigi-o.

YESAYA 52:14

Nandug-e ap kwarat-nen at yik karug-e, wendet yiga-o. Iri kwariga iri-ge at erare meyasa labuk yidnak me, ap entare nggal-e lak ala-nen kwariga-o.

MALEAKI 4:6

Pil lobok yumu-ge, an-nen kit kunuwi lak tak pil lobok yimin naru, at-nen-e ineidtak min inlirak min inndi misiget tak unpuwa-o” luk yij-o.

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

MATIUS 26:24

Ap Ambara na wat yosolar-e, Mbal Pem Nagawan engga mbarak pem-nen ’Iri nggal kwasa wat ma-o’ luk yidnak na ndak ndak irit wat ma-t nde, Ap Ambara wesel ubuwa nap iri-ge abuwa-o! Ap iri-ge ndakit lak yelep nggal-e mondok konag-o!” luk yij-o.

MARAKUS 10:33

Yak ondosolar-e: ”Yu nde ker-o. Nir-e Yerusalem lali-o. Nde, Ap Ambara an-e tepan omborak nagawan nagawan nde imiri mbarak pidnak wene enaru nap nde ininggem nubuwama-ge, it-nen-e an nuruwakluk niminep wesera enlem nin nap ininggem nubuwa-o.

MARAKUS 9:13

Alat nde, kinndi kwara yebet ker-o. Elia na-ge lobok yamu ap-nen it inndi-n pidnak nak kwat ibiga iri-ge Mbal Pem Nagawan engga bem-nen at kwat uburak mbarak iri na ndak ndag-et kwat ibiga-o” luk yak indij-o.

MARAKUS 9:31

Yesus-nen at owosirak na mul ondosolar-e: ”Ap Ambara-ge ap ininggem puwama, it-nen wuruwa-o. Wuruwama-ge, mberen naruk, kenan tak purak pem-e uruk ma-o” luk yak indij-o.

LUKAS 1:76

Nde, nambara wa-e. Ap-nen kat kimin yogolar-e: ’Kar-e Kek tak Woraso Mbal Pem Nagawan ene lomboksa yoso nab-o’ luk yuwa-o. Kar-e Nagawan Indo abuwok urula yagonokluk, nanduk wirik kubuwa-o.

LUKAS 23:11

Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

LUKAS 23:39

Nde, meya yoso nap e bem panggarak pidnak misik iri na-nen Yesus nggweyel obosolar-e: ”Kat nde Kerisut ala-ge, kat kambik kimiri luk, nit na ninmiri yi-o!” luk yij-o.

YIDNAK YIDNAK WENE 1:6

Yosoloma-ge, it iri me ndok wiriga iri na-nen at kin wok obogolar-e: ”Nagawan Indo wa-e. Ya tarem-e kat-nen-e Isarael nap-nen tenagaidnak wi na-ge tuguruk nininggem tak pugun-a?” luk yiga-o.

YIDNAK YIDNAK WENE 4:11

Yesus iri-ge kit o wurugwi nap-nen mbo bigep kereb-et nde, at iri-ge o unggut nggwe paro pidnak kerep nde kwat yij-o.