MARAKUS 8:38 - Nanduk Ngget Tul Pidnak Wene

³⁸ Yawo Mbal Pem Nagawan keya buruk, meya nak kwatli tarem-nen an min an-nen mul ondoso wene min para yurak ininggiri pasiyem tak puwa nab-e, abok Ap Ambara an-e Neid abinal min lenak inpidnak aid nap inmin lobok yosolar-e, iri yuwa nap na it onpok para yurak na an-nen ninggiri pasiyem tak pimin-o” luk yij-o.

MARAKUS 8:38 ပူးပေါင်းရင်းမြစ်များ

NDANIEL 7:10

Nde, at koreyak woraso ondoro iri me-nen-e kanduk misik yi nggal urusu kundugu mborosola kagi-o. Nde, ap kwarat (ribuan)-nen-e at ndegel obogola eneyagi-o. Ap mondok kwarat (jutaan)-nen-e at eram mendak woragola eneyagi-o. Woragolar-e, ap enpem wene mbarugwi tel korogolar-e, engga ereba na-ge pinggiril lobok yiga-o.

NDANIEL 7:13

Iri tarem kubu nabi nggal pem yik kaginggal-e ap nggal misik kagi-o. At iri-ge nggan nggan-nen lop lop worak irit lobok yarig-e, pem-et uruk nak woraso iri na eram wok yosola-ge, ”At yu na lobok yij-o” luk pem-et uruk nak woraso irit aru rak piga-o.

MATIUS 12:39

Yogolikma-ge, Yesus-nen it yak ondosolar-e: ”Yawo worali nap kir-e meya kwarogolat, logud tak kwarogolat kwatli-ge ijar-o! Kir-e iri yugwi-net nde, kwiye worak mende mbi kwari-o luk yak nitli-a? Mondok lag-o. Nde, yenggerak purak mende nin mbi mirik kunpuwa bug-o. Are, Mbal Pem Nagawan ene lomboksa yoso nap Yunus-nen kwarid yenggerak purak mende iri na-t kagub-o.

MATIUS 13:41

Nde, Ap Ambara-ge at-nen idnak aid nap ereya na wirik unpuwama-ge, it-nen-e at-nen tenagaidnak wi iri me-nen-e ap inndi kabak tak pugwi nap min meya nak kwarugwi nap oboksa min ndok worak unpuruk,

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 16:4

’Kagwi buk mende mirik ninpi-o’ luk yugwi nab-e meya kwarugwi nap min mot mot kwarugwi buk nap min iri-net yili-o. Nde, kagwi buk mende nin mbi yak kunduwa bug-o. Are, Yunus-nen idnak kwiye worak mende iri nak mirik kunpu-wa-o” luk yak ondosoluk, it iri me woragola, at na keya unpuruk mbirij-o.

MATIUS 24:30

Iri rak puruk, mbal pem-nen Ap Ambara lobok yusu-o. Yenggerak purak mende iri-ge nam ma-o. Iri ala-ge, nggweyak ma woragwi nap enlem pidsa-ge yip togolat-nen yik kujwa nggal-e, Ap Ambara-ge mbal pem woraso nggan nggan pem amawi min abinal kwarat min lobok yosola, yik kujwa-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 26:64

Yesus-nen wene erep nggarosolar-e: ”Wene iri-ge kat-nen yigen-o. Alat nde, an-nen yak kendeyeg-o: Yawo tarem-nen-e Ap Ambara na-ge Mondok Amawi Worak Nap inggi kigit nggwe koreyak-nen aid arem-nen nggan nggan arem lobok yosola, kagub-o” luk yij-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

MARAKUS 13:26

Iri tarem-e, Ap Ambara-ge kek tak amawi worak irit nggan nggan arem lobok yosola, kujwa-o.

MARAKUS 14:62

Yosoloma-ge, Yesus-nen yosolar-e: ”An-e Kerisut-net yusu-o. Nde, Ap Ambara iri-ge Mondok Amawi worak Nap inggi kigit nggwe koreyak worala, kagub-o. Mbal pem-nen nggan nggan arem lobok yosola, kagub-o” luk yij-o.

MARAKUS 8:37

At uruk wolmomtak iri na-ge yi mende ndi mende min onggo onggo rak purag-e ndag-a?

LUKAS 19:26

Nde, at-nen it yak ondosolar-e: ’An yak kendeyeg-o. Arengge kwarat worak nap ala-ge, terak mena kwarat wok undugwi-o. Alat nde, arengge mariget worak nab-e at eram woraso ereya na at inggem-nen mengga wanugwi-o.

LUKAS 9:26

Ta-nen nde an min an-nen yidnak wene min yurak inggiri pasiyem tak puwa nab-e, Ap Ambara an-nen-e an namawi bem Neid min lenak inpidnak aid nap min enmawi bem lobok yimin tarem-nen-e ap iri na obok para yurak na ninggiri pasiyem tak pimin-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:51

Iri luk, Yesus-nen at yak tosolar-e: ”An-e ndemeret yak kurusu-o. Aid arem tu kuwak yosola, Mbal Pem Nagawan-nen idnak aid nab-e Ap Ambara an nebem lagolat, mbuwagolat yogola kagun-o” luk yij-o.

YOANES 12:34

Yosoloma-ge, ap kwarat-nen at yak togolar-e: ”Nit-nen idnak imiri mbarak pidnak engga bem-e ’Mesias iri-ge pem-et woralik nalik wolma-o’ luk mbarak worasu-t nde, kat-nen yosolar-e: ’Ap Ambara-ge nggweyak ma-nen ibil lujwa-o’ yigen iri-ge noluk-nen yigen-o? Ap Ambara-ge ta nde yigen-o?” luk yak tiga-o.

YOANES 5:27

Nde, an-e Ap Ambara-t me, ap enpem wene mbarurak amawi-ge Neid-nen Ambara an ninggem-et pij-o.

YIDNAK YIDNAK WENE 10:22

Yak ondosoloma-ge, it-nen yogolar-e: ”Nir-e san winde wari Korenelius eram-nen lobok yige-o. Nde, Korenelius iri-ge mot mot kwaroso nap, Mbal Pem Nagawan aye worak nab-o. Nde, Yawuri nap pidsa-nen erembel wanugwi nab-o. Marak aid nap-nen Korenelius na yak tosolar-e: ’At-nen yak kuruwa wene kolonok-nen an nama lobok yi-o luk Peterus na yonggo bi-o’ luk yak tamu-nen lobok yige-o” luk yiga-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

NGGALATIA 6:14

An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.

TUGURUK YIDNAK WENE 33:2

”Nagawan Indo-ge Sinai ndobo bem-nen lobok yosolat, mo nggal o Erom ebem yemberak pij-o. At ilirag-e ndobo Paran pem-nen yaya rak inpij-o. At imin-e aid nab-e sepulu ribu (10.000) lobok yiga-o. Nde, inggi kigit ambigir-e kan amare yosolat woragij-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

IBERANI 13:13

Iri bem-e nit-nen na at eram o iri leget amberam nggwe mburuwog-o. Mbutlug-e, at imin nggweyel ninpidnak nap kwat mog-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

NAM PARA WENE 14:10

iri yidnak nap-nen-e Mbal Pem Nagawan-nen idnak anggut engen amburu iri nujwa-o! Anggut engen amburu iri-ge Mbal Pem Nagawan isilepma na-ge mariget tet nin tak pigit lak iniksa-t idmbe arem woranggasa pil nggwidnak iri na nujwa-o! Nde, it iri na oboksa-ge andi bandi rak onposolar-e, lenak inpidnak aid nap min Lomba Wam Marik min enlengen pem-et kanduk min kule emben meya (belerang) min-nen andi bandi rak onposolat wolma-o.