MARAKUS 8:2 - Nanduk Ngget Tul Pidnak Wene

² ”Ap kwarat yu-ge an totno woragolat kenan tarem-et nene yidnak me, nunggwi mende na lak yidnak ala, an-nen-e enabuwa kasu-o.

MARAKUS 8:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:6

Yosoloma, men yosolat eralu ereba na mbenarosoma-ge, anggul ndug-e oroti wora misik min yimbe yi kenanggo misik min worasoma, kagaij-o. Karug-e, oroti min yi min ereya na nurug-e, tuguruk mbiring yij-o.

NDAWI ENGGA 103:13

Ineidtak-nen inlirak enabuwa kagwi iri nggal-et Nagawan Indo-nen-e at ebem indi angin tubu yugwi nab-e enabuwa kaso-o.

NDAWI ENGGA 145:15

Urugup worak mende oboksa-nen indi-ge kat kebem nak mbung mbung tak woragola, kat-nen-e it-nen ukwe peragwi mende mak ondoso-o.

NDAWI ENGGA 145:8

Nagawan Indo iri-ge enabuwa yosolat, unpud kasolat, isilepma na ndag-et nak yoso buk, pempa enabuwa kaso-nen yusu-o.

MIKA 7:19

Kat-nen-e tuguruk nunpud karuk, nit meya yidnak kamberam tak pugun-o. Nit-nen meya yugwi-ge kat-nen kuwok-nen lul wosa, lembera yi koma erabun arem ereba mberak pugun-o!

MATIUS 14:14

Yesus na e koma arem-nen kenangga mbidnggal-e, ap kwarat eneyaruk, at-nen it enabuwa yuruk, indi andi luk, kugi worak nap ereba na-ge ki rak inpij-o.

MATIUS 20:34

Yak togolikma-ge, Yesus na it unpud kasoluk, at inggi-ge it enlengen pem posola ereya na-net it enlengen kuwak yosoloma, at imbirik mbiriga-o.

MATIUS 9:36

Iri kwarosolat-nen ap kwarat iri na eneyagaidnggal-e, it iri na-ge ndeyak-nen lomba wam ombo lak me, mbilarak woraso lomba wam nggal ala karuk, it enabuwa kwarat kagaij-o.

MARAKUS 1:41

Yak tosoloma-ge, Yesus na at abuwa-nen indi andi luk, inggi mbung tak puruk, at tena bosolat-nen yak tosolar-e: ”Kat ambut tak kuburak iri-ge an nindingen-er-o” luk yak tij-o.

MARAKUS 5:19

Yosoloma-ge, Yesus-nen: ”Lag-o” luk, at yak tosolar-e: ”Kat kama kowe kowosi endam mburugundik, Nagawan Indo-nen kat kwat kibidnak wene min kat kubud-nen kwat kibidnak wene min it yak indil mbiri-o” luk yak tij-o.

MARAKUS 6:32

Yak ondosoloma-ge, e koma arem ngguruk, ir-e ap lak ma enarikmu ereba-t mbiriga-o.

MARAKUS 6:34

Worakmu-ge, Yesus na-ge e koma arem-nen kenangga mbosolar-e, ap kwarat na yik eneyagaidnggal-e, ir-e lomba wam ombo lak nggal eneyarug-e, it enabuwa kwarat karug-e, wene kwarat mul indij-o.

MARAKUS 8:3

It erep na unuwi erepma-nen lobok yidnak me, an-nen nere min-et wirik unpumu-ge, tundumu inkiris paga mbud ma-o” luk yak indij-o.

MARAKUS 9:22

Nde, kugi meya iri na-nen kwarat pem at worak ebeyekluk-nen kwat obosolar-e, kan ma pil nggosolat, yi ma pil nggosolat kwaroso-o. Alat nde, kat-nen yongga nundurak nde ndak ala-ge, nenabuwa karuk, yongga nindi-o” luk yij-o.

LUKAS 15:20

Iri yebet karuk, la na at eid eram mbirij-o. Mborosola-ge, eid na-nen erepma ereba-nen yik karug-e, abuwa kwarat karuk, puburak mborosolar-e, ambara na urusu ngonok turuk, wa yak tij-o.

LUKAS 7:13

Wagola-ge, Nagawan Indo Yesus-nen kwe na kasoluk, at abuwa-nen yak tosolar-e: ”Yip tusu meyog-o” luk yak tij-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

IBERANI 5:2

Tepan ombo nggulok at na yi mende ndi mende bem ndeyak yoso me, it enaru buk, mborok tak nak kwarugwi nap inmin-e indi luruk puruk woraso-o.