MARAKUS 7:4 - Nanduk Ngget Tul Pidnak Wene

⁴ Nde, ir-e onggo pugwi sa-nen enma mbutlug-e, enpe kona marak puruk nak-nen mburu nunggwi-o. Nde, onmborak-nen ”Iri nggal kwarurag-o” yidnak yidnak erep kwarogolar-e, posid yimbe min sakwi togolwak min posid togolwak min kwara marugwi-o.

MARAKUS 7:4 ပူးပေါင်းရင်းမြစ်များ

YESAYA 1:16

Kit meya yidnag-e mondok masa mbek tak puruk wolmer-o. Kit-nen yi meya ndi meya kwatli ereba-ge keya buruk, ndong yer-o. Tugurug-e mondok meya kwarurak puk na-e. Kuligeb-a?

MATIUS 23:25

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e kinidmbe nde kinpiring nde ombol nggwe mondok kona matli-t nde, arem nggwe-ge yariya ap enarengge mengga wanugwi min kit kondomok ukwe ukwe yugwi min-nen kobong tak worasu-o.

MATIUS 23:26

Parisi nap kerengen ngguru yu-ge wa-e. Kidmbe min piring min arem nggwe nanduk marak pugunmu-ge, ombol nggwe na marak irit ma-o.

MATIUS 27:24

Iri yogola karuk, Pilatus-nen yik kasolar-e, wene yurag-e meya ala karuk, nde it nari wari mburak ala karuk, at-nen-e yi waga ap kwarat ereba na inmbiri bem at inggi yi marosolat-nen yosolar-e: ”Ap yu na eyabi-ge an nebem-e lag-o. Kit kenpem-o” luk yak indij-o.

MARAKUS 7:8

Mbal Pem Nagawan-nen: ’Irit kwarurag-o’ yidnak wene-ge kir-e mbo buruk, konmborak ki nap-nen yidnak wene nde puksa tena worali-o” luk yak indij-o.

YOANES 2:6

Nde, kerep yimbe enam-e iri me woragaij-o. Nde, yimbe ereya-ge Yawuri nap-nen kwarugwi kwarogolat enaboro maruwakluk lid lud tak pidnag-o. Nde, yimbe ereya na-ge nggulok me, misik arem-e yi kenangga yebet tak pogolar-e, yimbe marik pem-nen-e seratus pem nggal kenangga pil nggugwi-o (seratus liter).

YOANES 3:25

Worala-ge, Yoanes owosirak erep-nen-e yi ma unpugwi iri na wene lit lit Yawuri nap misik imin ngguno nggwiga-o.

IBERANI 9:10

Nde, Mbal Pem Nagawan amanggim pugwi iri-ge nunggwi mende nde, yi nunggwi nde, yi mende ndi mende yi marugwi wene nde iri-ge we enaboro-nen kwarugwi mende-o. Iri kwarugwi iri-ge kwat tenag-et worakmu, Mbal Pem Nagawan-nen ngget kwarak puwa tarem wok yosola-nen keya burag-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.