MARAKUS 7:2 - Nanduk Ngget Tul Pidnak Wene

² Ndok wutluk, yik eneyaiganggal-e, Yesus owosirak ereb-e mburu nonggolar-e, ininggi kusimin min, ininggi yi marigit lag-et ningga-o.

MARAKUS 7:2 ပူးပေါင်းရင်းမြစ်များ

MATIUS 15:2

”Kat kowosirak ereba-ge noluk-nen nit nenlawingga-nen kwarugwi na kuruk togolar-e, ininggi marigit lak-nen mburu nili-o” luk yiga-o.

MARAKUS 7:5

Iri kwarugwi me, it Parisi nap min imiri mbarak pidnak wene enaru nap min-nen Yesus kin wanogolar-e: ”Kat kowosirak yu-ge noluk-nen nonmborak-nen yidnak yidnak kwarigit lak, mburu-ge ininggi marigit lak nili-o?” luk kin waniga-o.

LUKAS 11:38

Nde, Yesus-nen mburu norak pem inggi marigit lak nasola karug-e, Parisi nap na-nen-e wendet yij-o.

YIDNAK YIDNAK WENE 10:28

Eneyaruk, it yak ondosolar-e: ”Yawuri nap-nen enlem nin nap inmin nanggam kanggam yogolat, enma nggogolat iri-ge kwarurak puk na-e luk yak nindidnak wene iri-ge kit na kenaru-o. Iri yidnak wene worala-t nde, Mbal Pem Nagawan-nen an mirik nobosolar-e: ’Ap ereb-e wosama nab-o, ap ereb-e meya nab-o luk yurak pug-o’ luk mirik nibij-o.

YIDNAK YIDNAK WENE 11:8

Yak nirij-et nde, an-nen yosolar-e: ’Nagawan Indo wa-e. Mondok lag-o. Nunggwi buk mende min wosama-o yidnak mende min iri-ge an-e nemendam mondok pil nggoso bug-o’ luk yigi-o.

OROMA 14:14

An-e Nagawan Indo Yesus imin kundik woraso me, wene yu-ge an-e ”Irir-o” perasu-o. Yi mende ndi mende pidsa ondomok-net wosama yoso bug-o. Alat nde, ap inndi-nen peraidnak pem-et ”Yu-ge wosama-o” luk perasola-ge, iri mende-ge at amanggim-e wosama yusu-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

NAM PARA WENE 21:27

Alat nde, mbilaro ngin mende-ge iri me mondok ngguwa bug-o. Nde, kwarugwi buk mende kwarugwi min enesiget yugwi min na iri me mondok ngguwa bug-o. Are, Lomba Wam Marik-nen idnak unluk nak wolmomtak engga iri bem unnu mbarak nap nak-nen perak nde o siri iri me nggurak worasu-o.