MARAKUS 6:51 - Nanduk Ngget Tul Pidnak Wene

⁵¹ Yurug-e it endam e koma na arem nggosola-ge, obube na kondok yosola-ge, Yesus owosirag-e mondok yi wi mbiga-o.

MARAKUS 6:51 ပူးပေါင်းရင်းမြစ်များ

MATIUS 8:10

Iri yosoloma, Yesus-nen wene iri kolosoluk, wi luk, at imbirik nili nap yu na yak ondosolar-e: ”An-nen yak kendeyeg-o: Isarael nap ennggendumu-nen-e indi angin tubu yidnak nap misik mbi yu nggal an-e kaso bug-o.

MARAKUS 1:27

Mborosoloma-ge, ap ereba pidsa wi langgu mbatluk, kin wok kerak mbogolar-e: ”Yu-ge no mende-o? Wene yu-ge arig-er-o! At ene amawi bem kugi na ’Mbiri-o’ yak tosola-ge, at-nen yidnag-et kuluruk, kugi ereba na mbirij-o” luk yiga-o.

MARAKUS 2:12

Iri yak tosola ereya na-net ap kwarat ereba na inmbiri bem at yu na men luk, at nene yoso ondoro kud turuk, mbirij-o. Mborosola-ge, it oboksa-nen wi langgu mbarogolar-e: ”Nir-e yu nggal-e kagwi bug-o” luk Mbal Pem Nagawan erembel waniga-o.

MARAKUS 4:39

Yogolikma-ge, Yesus na men luk, obube na yak tosolar-e: ”Meyog-o” yak turuk, yi min yosolar-e: ”Tugup lak yi-o!” luk yij-o. Yosoloma-ge, obube na kondok yosolar-e, yi na tugup lak yij-o.

MARAKUS 4:41

Yak ondosoloma-ge, ir-e kwiye kwarat karuk, kin wok kerak mbogolar-e: ”Ap yu-ge ta kali-o? Obube min yi min-et nde, at-nen yidnak yidnag-et kwarij-o” luk yiga-o.

MARAKUS 5:42

Iri yosola ereya na-net la kwe iri na-ge men luk, waring kagaij-o. (La kwe iri-ge olengen duabelas woraidnag-o.) Iri kwarosola kaiga nab-e mondok kwiye kwarat yiga-o.

MARAKUS 6:32

Yak ondosoloma-ge, e koma arem ngguruk, ir-e ap lak ma enarikmu ereba-t mbiriga-o.

MARAKUS 7:37

Wigarogola, wene iri kulidnak nab-e wi yiga-o. Nde, it-nen yogolar-e: ”At-nen kwarusu yu ija-t kwarusu-o. Eneyanggo lak woragwi na kulugwi rak onposolat, it enna lak yidnak nap na wene yugwi rak onposolat yusu-o” luk wi yiga-o.

YOANES 6:21

Yosoloma-ge, it enalen min-et Yesus na-ge lesa e koma arem ibil nggwiga-o. Nde, ereya na-net e koma na-ge it wok yurak sa na-t wok yij-o.