MARAKUS 6:41 - Nanduk Ngget Tul Pidnak Wene

⁴¹ Iri rak unpurug-e, at-nen oroti mburu lima na min keyane mberen na min wanuruk yarig-e, erengen mbal lik karuk, Mbal Pem Nagawan ”Wa-o” yak turuk, oroti mburu ndeksa ligik puruk, at owosirak-nen tembet unduwakluk ininggem pij-o. Iri nggal keyane mberen na irit tembesa it pidsa wok indij-o.

MARAKUS 6:41 ပူးပေါင်းရင်းမြစ်များ

MATIUS 14:19

Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 15:36

mburu tuju ereya na min keyane min wanosoluk, Mbal Pem Nagawan wa yak turuk, mbara ligik purug-e, at owosirak iri na wok ondosola, it-nen-e ap kwarat iri na tembesa mak indiga-o.

MATIUS 26:26

It ereba na nunggukmu-ge, Yesus na mburu wanuruk, Mbal Pem Nagawan wa yak turuk, kala ligik puruk, at owosirak wok ondosolat-nen yosolar-e: ”Mburu yu-ge waga mer-o. Yu-ge an nebe-nen yusu-o” luk yij-o.

MARAKUS 14:22

Nde, it mburu nonggolar-e, Yesus-nen mburu wanosoluk, Mbal Pem Nagawan wa yak turuk, ndeksa ndeksa posoluk at owosirak wok ondosolat-nen yosolar-e: ”Yu-ge an nebe-nen yusu-o. Waga mer-o” luk yij-o.

MARAKUS 6:40

Yak ondosoloma-ge, ir-e lena mbo kore yogolar-e, ap seratus nggal-e nin me kore yogolat, ap lima pulu nggal-e nin me kore yogolat, iri kwasa kore yil mbiriga-o.

MARAKUS 6:42

Wok ondosoloma-ge, it pidsa inmbitsa ningga-o.

MARAKUS 7:34

Tena burug-e, Yesus na mbal nggwe lik kasolat-nen indisep wirik puruk-nen ap iri na yak tosolar-e: ”Epata” luk yak tij-o. Nde, iri-ge nit nenne bem-e: ”Keyanggo kuwak mag-o” yosolat-nen yij-o.

MARAKUS 8:19

Oroti mburu lima nag-et nde, ndeksa puruk, ap lima ribu (5,000) mak indigi na-ge, erep minggirig-e mul sum-e nunggwirik arem yarak pigeb-o?” luk yij-o. Yosoloma-ge, it-nen yak togolar-e: ”Mul sum-e duabelas kobong yid nar-o” luk yiga-o.

LUKAS 24:30

Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

LUKAS 9:16

Iri lug-e, Yesus na-nen oroti mburu lima na min keyane mberen na min wanurug-e, mbal lik karuk, Mbal Pem Nagawan wa yak turuk, mbara mbara ligik puruk, ap na tembesa wok unduwakluk, at owosirak na wok indij-o.

YOANES 11:41

Iri luk, kerep na lembera wabiga-o. Nde, Yesus na erengen lik karuk-nen yosolar-e: ”Neid wa-e. Kar-e an nene koloso bem ’Neid wiwa-o’ yak kurusu-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 6:11

Kore yogolikma-ge, Yesus na-nen mburu na wanuruk, Mbal Pem Nagawan wa yak turuk, ap iri me koreyak ereba na tembet indij-o. Nde, keyane na iri nggal kwasa-t tembet endamu, it pidsa inmbitsa ningga-o.

YOANES 6:23

Nde, e koma ereb-e Tiberias nggwe-nen lobok yarik, Nagawan Indo-nen Mbal Pem Nagawan wa yak turuk, mburu tembet ondosola ningga sa eralu na kondok yil lobok yij-o.

YIDNAK YIDNAK WENE 27:35

Iri yak undurug-e, oroti mburu wanuruk, it pidsa inmbiri bem-et Mbal Pem Nagawan wa yak turuk, ndeksa ninggij-o.

OROMA 14:6

Hari misik nggulok tak pusu nap iri-ge iri kwarusu iri-ge Nagawan Indo kek tak ubusu-o. Nde, nunggwi mende ugun nasu nab-e, ”Mbal Pem Nagawan wa-o” luk nasu me, Nagawan Indo kek tak posolat-nen nasu-o. Nde, ugun naso buk nap-nen-e ”Mbal Pem Nagawan wa-o” luk keya busu me, Nagawan Indo kek tak posolat-nen ninggit lak yusu-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

TUGURUK YIDNAK WENE 8:10

Iri me-nen nunggwi mende kinmbitsa nonggolar-e, Nagawan Indo Nenmbal Pem Nagawan nak erembel wanogolar-e: ’O nggweyak amburu worak wok nindigen pem-e wiwa-o’ luk erembel wanogolat woragub-o” yij-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.