MARAKUS 6:20 - Nanduk Ngget Tul Pidnak Wene

²⁰ Yoanes na-ge konak lud tak nak kwaroso ala karug-e, Erores-nen Yoanes indi aye-nen-e at imiri yosolat woragaij-o. Nde, Yoanes-nen yidnak wene kolosolug-e, indi nden penden yosolar-et nde, alen min-et at ene kolosolat woragaij-o.

MARAKUS 6:20 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

2 NAGAWAN NAGAWAN-NEN KWARIDNAK WENE 13:14

Nde, misik tarem-e Mbal Pem Nagawan ene lomboksa yoso nap Elisa iri na-ge kugwi angin worak irit wirij-o. Woramu worala-ge, Nagawan Yoas iri na-ge kil lobok yij-o. Nde, nagawan iri na-nen kagaidnggal-e Elisa na-ge mondok wat momtak irit karuk-nen yip tosolat-nen yosolar-e: ”Isarael nap ninmiri yoso kek tak nombo wa-e! Nombo wa-e!” luk yij-o.

2 NAGAWAN NAGAWAN-NEN KWARIDNAK WENE 6:21

Nde, Isarael nap nagawan iri na-nen Siria nap ereba na eneyaruk-nen Elisa kin wok obosolar-e: ”Nab-o. Ap yeba-ge mondok indimin, lak?” luk yak tij-o.

MBIRIGA WENE 11:3

Nde, Nagawan Indo-nen-e Mesira kweyap yeba na-ge inndi konak Isarael nap enambigir-e tak pij-o. Nde, Musa na-ge Pirayon eyabu wanugwi nap min at-nen tenagidnak wi woragwi nap oboksa min-nen mondok kek tak pugwi nap irit kwat yij-o.

YESKIEL 33:32

It-nen kat yik keyagolar-e, kar-e it inndi yangonosolat, kecapi poba ene rak posolat, ndawi konak yoso karu nap irit yik keyali-o. Ndemeret, kat-nen yidnak wene-ge kulili-t nde, ndak ndag-e mondok kwatli bug-o.

NDANIEL 4:18

Mbelsasat wa-e. An-nen nabi kagi-ge irir-o. Nde, yawo-ge nabi iri kagi ebe-ge iri nggal kaigen-o luk para yak niri-o. Nde, ap mondok enaru inndi tenggerak an-nen tenagidnak wi yu me worali yeba mbi-nen iri nggal-o luk para yak nururak meya-o. Alat nde, marak mbal pem nagawan ereba na indi-ge kat karem kobong tak me, kat-nen-e para yak nururag-e ndag-o” luk yak tij-o.

NDANIEL 4:27

Iri bem-e an-nen nggomo kurusu yu ndak ndag-et kwari-o. Kar-e tuguruk meya kwarurak pug-o. Alat nde, konak mot mot nak kwarosolat wolmomtak na-e. Ap insilobulo lak nap enabuwa kasolat wolmin-o. Iri nggal kwarosola-ge, nap kar-e konak kalen pem-et woragun-o” luk yak tij-o.

NDANIEL 5:17

Yosoloma, Ndaniel-nen onggo yosolar-e: ”Nab-o. We wok undugwi mende ereba-ge an wok nururag-e lag-o. Ereba-ge ap erep nde wok indi-o. Nde, engga mbarak iri-ge an-nen wonatluk, ebe-ge iri nggal-o luk para yak kirimin-o.

MATIUS 14:5

Erores na-nen-e Yoanes na wururak peragaij-et nde, ap kwarat ereba-nen-e Yoanes na-ge Mbal Pem Nagawan ene lomboksa yoso nap-nen yusu-o yugwi alama, it inndi aye-nen larok yij-o.

MATIUS 21:26

Nde, nit-nen nde: ’Ki nap-nen yidnak pem-o’ luk yogola-ge, ap kwarat yu-nen-e Yoanes iri-ge Mbal Pem Nagawan ene lomboksa yoso nab-o luk eberagwi me, it iri na ngge kwat nunpuwa-o? It inndi aye-o” luk yiga-o.

MARAKUS 11:18

Mul ondosoloma-ge, tepan omborak nagawan nagawan min imiri mbarak pidnak wene enaru nap min-e Yesus-nen yid wene kuluruk, at-nen mul indidnak wene bem ap pidsa-nen wi langgu mbarugwi ala karuk, it-nen-e at ugwiye-nen at wuruwokluk tu kore yiga-o.

MARAKUS 4:16

Iri nggal-et kerep mborok ma mbid iri-ge ir-e aid wene kulurug-e, enalen min-et ndag-et wanili-t nde,

YOANES 5:35

Yoanes na-ge tal pago eyaya worak nggal woragaij-o. Pago worala-ge, luru kir-e at eyaya bem kenalen min-et woraigeb-o.

YIDNAK YIDNAK WENE 2:12

Yurug-e, it na wi langgu mbarogolat inndi kabak yogolat, yak kerak mbogolar-e: ”Yu-ge ngge kwarosolar-o?” luk yiga-o.

YIDNAK YIDNAK WENE 5:24

Yogolikma-ge, Mbal Pem Nagawan ama polisi wari min tepan omborak nagawan nagawan min-nen wene iri kulurug-e, inndi yok pok mbogolat-nen yogolar-e: ”E! It wirik inpidnak nap iri-ge ngge yiga-o?” luk yiga-o.