MARAKUS 6:12 - Nanduk Ngget Tul Pidnak Wene

¹² Yak ondosoloma-ge, it mborogolat-nen ap mul ondogolar-e: ”Kit meya yidnak keya buruk, kondok yer-o” luk yak indil mbiriga-o.

MARAKUS 6:12 ပူးပေါင်းရင်းမြစ်များ

YESKIEL 18:30

Nagawan Indo Mondok Kek tak iri na-nen yosolar-e: ”Isarael nap wa-e. An-nen ap enpem wene mbarosolar-e, it-nen kwaridnak ndak ndag-et enpem mbarimin-o. Kit-nen meya kwarugwi iri keya buruk, kondok yer-o. Kit-nen meya kwarugwi ereba na-nen lak tak kunpuwakluk larok nak yurak pug-o.

MATIUS 11:1

Yesus na-ge at owosirak duabelas iri na wene abu mul ondosuluk yarig-e, o iri me keya buruk mborosolar-e, o siri korok korok ereba na aid wene yosolat, wene mirik onposolat kwaril waring kagaij-o.

MATIUS 11:20

Iri luk, Yesus-nen kwiye worak mende kwarat it ennggendumu-nen kwaridnag-et nde, it iri na-ge kondok yigit lak ala karuk, o siri ereba na met onposolar-e:

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

MATIUS 4:17

Nde, iri tarem-e Yesus-nen mul ondoso tel korosolat-nen yosolar-e: ”Mbal Pem Nagawan-nen tenagaidnak wi panggo yusu me, kit meya yidnak keya buruk, kondok yer-o!” luk yosolat woragaij-o.

MATIUS 9:13

Mburugupndig-e, Mbal Pem Nagawan engga mbarak pem-nen yosolar-e: ’Wam wosa namanggim pugwi iri-ge an nindingen-e lag-o. Are, ap enabuwa kagwi iri perak nde nindingen-o’ luk yid iri-ge kwara kenaru mer-o. Nde, an-nen-e luk tak nak kwarugwi nap na wene mbo enpeyekluk lobok yigi-ge lag-o. Are, meya kwarugwi nab-et wene mbo enpeyekluk lobok yukmu-o” luk yij-o.

MARAKUS 1:15

it yak ondosolar-e: ”Mbal Pem Nagawan-nen tenagaidnak wi kwat momtak tarem-e abu wok yusu-o. Kit meya yidnak keya buruk, kondok yogolat, aid wene bem kinndi angin tubu yogolat wolmer-o” luk yak indij-o.

MARAKUS 1:3

Karu me ap lak ma-nen ap-nen ene nggoksa mbo bosolar-e: ’Nagawan Indo urula lid lud tak pogolat, at mbururak tula mot tak per-o’ luk yij-o” luk Yesaya-nen mbarij-o.

LUKAS 11:32

Ap pidsa enpem wene mbaruwa tarem-nen-e o Niniwe nap na yawo worali nap kinmin men yogolar-e, kinmbiri paruwa-o. It iri-nen-e Yunus-nen yidnak wene kulurug-e, it meya yidnak keya buruk, kondok yiga-o. Alat nde, yu me-ge Yunus nggal-e lag-o. Are, nggok terak minik misik yawo worasu-o” luk yij-o.

LUKAS 13:3

An yak kendeyeg-o. Mondok lag-o! Nde, kit meya yidnak keya buruk kondok yigit lak ala-ge, kit pidsa na iri nggal-et lak yugub-o.

LUKAS 13:5

Mondok lag-o! An yak kendeyeg-o. Nde, kit meya yidnak keya buruk kondok yigit lak ala-ge, iri nggal-et lak yugub-o” luk yij-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 15:7

Nde, an yak kendeyeg-o. Iri nggal, meya yidnak nap misiget kondok yidnak pem-e aid arem-nen enalen kwarat kujwa-o. Nde, lud tak nak kwarugwi nap sembilan pulu sembilan (99) iri-ge ir-e meya yugwi buk me, kondok yuwa buk nap it enpem-e enalen te nggal-et kujwa-o” luk yij-o.

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

LUKAS 9:6

Yak ondosoloma, at owosirak na mborogolar-e, o siri marik ereba na nggwe nogolar-e, aid wene yak indil nogolat ap ki rak onpogolat kwaril niga-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.