MARAKUS 6:11 - Nanduk Ngget Tul Pidnak Wene

¹¹ Alat nde, kit mburugupndik, o iri nap-nen wok kinpigit lak, kenne na kuligit lak ala-ge, o iri me-nen nde kit mborogolar-e, it inndi wanuwakluk, kit kunuwok liri-ge iri me pil karuk, mbururag-o” luk yak indij-o.

MARAKUS 6:11 ပူးပေါင်းရင်းမြစ်များ

MATIUS 12:36

An-nen yak kendeyeg-o: Ap enpem wene mbaruwa tarem-nen-e ap enemndam nggwe-nen mberak pidnak wene, kasa kasa wene yidnak oboksa iri bem-net at ebem wene mbaruwa-o.

MARAKUS 6:10

Yak unduruk yarik, wene erep yak ondosolar-e: ”O siri misik me-nen nde tena konpogola-ge, o iri me-t worakmu, mborogolat-net keya burag-o.

LUKAS 9:5

Nde, ap-nen wok kinpigit lak yogola-ge, o siri iri me-nen mborogolar-e, it inndi wanuwakluk kunuwok liri pil karuk mberer-o” luk yak indij-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

2 PETERUS 2:6

Nde, o Sorom min Nggomora min na irit, Mbal Pem Nagawan-nen enpem wene mbarosolar-e, kanduk pem-nen lak tak inpij-o. Iri kwarid iri-ge, Mbal Pem Nagawan ebem inndi angin tubu yugwi buk nap pidsa iri nggal kwat kunpuwa-o luk ndak worosolat-nen kwarij-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

1 YOANES 4:17

Nir-e nggweyak ma yu me woragolar-et nde, Kerisut abage nggal worali me, nit nenpem wene mbarurak tarem wok yosola, kwiye lag-et wolmakluk, iri bem-nen enabuwa kagwi elem na nit nenarem iminep mbal yusu-o.

YURAS 1:7

Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.