MARAKUS 5:43 - Nanduk Ngget Tul Pidnak Wene

⁴³ Alat nde, Yesus-nen ene amawi min it yak ondosolar-e: ”Wene yu-ge ap misiger-o luk tet mondok yak undurak pug-o” yak undurug-e: ”La kwe yu-ge mburu mak ter-o” luk yak indij-o.

MARAKUS 5:43 ပူးပေါင်းရင်းမြစ်များ

MATIUS 17:9

Iri luk, ndobo bem-nen mbogolar-e, Yesus-nen ene amawi min-et it yak ondosolar-e: ”Kit-nen yanem kaigep iri-ge Ap Ambara an-e wat yidnak ennggendumu-nen nuruk tak pigit lak ma-ge ap misiger-o luk tet yak undurak pug-o” luk yak indij-o.

MATIUS 8:4

Alama-ge, Yesus-nen at yak tosolar-e: ”Kat kwat kibidnak yu-ge ap mondok yak undurak pug-o. Are, tepan ombo eram mburugundik, ambut tak kibidnak iri nuk kasola-ge, ap pidsa-nen ’Ndemeret ki yamu-o’ yuwakluk, Musa-nen yidnak yidnak kwarosolar-e, Mbal Pem Nagawan amanggim pugwi mende irit pi-o” luk yak tij-o.

MATIUS 9:30

it enlengen-e kuwak yij-o. Iri ala-ge, Yesus-nen at ene amawi min yak ondosolar-e: ”Wene yu-ge mondok ap yak undurak puk na-e!” luk yak indij-et nde,

MARAKUS 1:43

Iri lug-e, Yesus-nen ap na nggomo amawisa wutluk, wirik pij-o.

MARAKUS 3:12

Yogolikma-ge, Yesus-nen it yak ondosolar-e: ”An nobog-e yurak pug-o” luk mondok watsa imiri mbarak pij-o.

MARAKUS 5:42

Iri yosola ereya na-net la kwe iri na-ge men luk, waring kagaij-o. (La kwe iri-ge olengen duabelas woraidnag-o.) Iri kwarosola kaiga nab-e mondok kwiye kwarat yiga-o.

MARAKUS 7:36

Nde, Yesus-nen it yak ondosolar-e: ”Wene yu-ge ap misiger-o luk tet mondok yak undurak pug-o” luk ene amawi min-et yak indij-et nde, it iri na-nen wene na wigarak piga-o.

MARAKUS 9:9

Karuk, it na ndobo bem-nen mbogolat-nen Yesus-nen it na yak ondosolar-e: ”Ap Ambara an-e wat luk, wat yidnak ennggendumu-nen tuguruk nuruk tak pigit lak ma-ge, yanem kaigep iri-ge ap misiger-o luk tet yak undurak pug-o” luk yak indij-o.

LUKAS 24:30

Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

LUKAS 5:14

Lak yosoloma-ge, Yesus-nen wene watsa yak tosolar-e: ”Wene yu-ge ap misiger-o luk tet yak undurak pug-o. Are, tepan ombo eram mburugundik, ’Mbenat nibi-o’ luk yurag-o. Iri lug-e, kat ambut tak kibidnak yenggerak kubuwakluk, Musa-nen yidnak yidnak kwarosolar-e, Mbal Pem Nagawan amanggim wosa pugwi mende wosa bi-o” luk yak tij-o.

LUKAS 8:56

Iri yosola-ge, la kwe na eid ija na wi langgu kwarat mbariga-o. Nde, Yesus-nen it yak ondosolar-e: ”Yu kwarigi yu-ge ap misiger-o luk tet yak undurak pug-o” luk yij-o.

YOANES 5:41

An-e ki nap-nen kek tak nubuwag-o luk-nen yusu-ge lag-o.

YIDNAK YIDNAK WENE 10:41

ap pidsa inmbiri bem-e nam tak pigit lag-o. Are, wat yidnak ennggendumu-nen uruk luk woralar-e, imin mburu nonggolat, yi nonggolat yige nap, wene yu min waring kujwakluk Mbal Pem Nagawan-nen len ninpidnak nap, nit ninmbiri bem nak nam tak pij-o.