MARAKUS 5:42 - Nanduk Ngget Tul Pidnak Wene

⁴² Iri yosola ereya na-net la kwe iri na-ge men luk, waring kagaij-o. (La kwe iri-ge olengen duabelas woraidnag-o.) Iri kwarosola kaiga nab-e mondok kwiye kwarat yiga-o.

MARAKUS 5:42 ပူးပေါင်းရင်းမြစ်များ

MARAKUS 1:27

Mborosoloma-ge, ap ereba pidsa wi langgu mbatluk, kin wok kerak mbogolar-e: ”Yu-ge no mende-o? Wene yu-ge arig-er-o! At ene amawi bem kugi na ’Mbiri-o’ yak tosola-ge, at-nen yidnag-et kuluruk, kugi ereba na mbirij-o” luk yiga-o.

MARAKUS 4:41

Yak ondosoloma-ge, ir-e kwiye kwarat karuk, kin wok kerak mbogolar-e: ”Ap yu-ge ta kali-o? Obube min yi min-et nde, at-nen yidnak yidnag-et kwarij-o” luk yiga-o.

MARAKUS 5:41

Nggwigarig-e, at-nen la kwe iri na inggi tena buruk, Iberani wene bem yak tosolar-e: ”Talita kum” yij-o. Iri yid iri-ge nit nenne bem yogolar-e: ”La kwe yu-ge wa-e. Men min-o yak kurusu-o” yosolat-nen yij-o.

MARAKUS 5:43

Alat nde, Yesus-nen ene amawi min it yak ondosolar-e: ”Wene yu-ge ap misiger-o luk tet mondok yak undurak pug-o” yak undurug-e: ”La kwe yu-ge mburu mak ter-o” luk yak indij-o.

MARAKUS 6:51

Yurug-e it endam e koma na arem nggosola-ge, obube na kondok yosola-ge, Yesus owosirag-e mondok yi wi mbiga-o.

MARAKUS 7:37

Wigarogola, wene iri kulidnak nab-e wi yiga-o. Nde, it-nen yogolar-e: ”At-nen kwarusu yu ija-t kwarusu-o. Eneyanggo lak woragwi na kulugwi rak onposolat, it enna lak yidnak nap na wene yugwi rak onposolat yusu-o” luk wi yiga-o.