MARAKUS 5:23 - Nanduk Ngget Tul Pidnak Wene

²³ Tud luk, ar-e kiri keresa Yesus emengen mbarosolar-e: ”An nara marik wat teyekluk yusu-o. Kat lobok yugundik an nara kinggi tena buruk, ki rak posola, uruk mag-o” luk yosoloma-ge.

MARAKUS 5:23 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 5:11

Yak tosola kulurug-e, Naman iri na mondok isilepma yosolat-nen yosolar-e: ”An nindi-nen yebet kasolar-e, Elisa ar-et neram wasolat, Nagawan Indo Embal Pem Nagawan eram tepan yosolat, an nebem ud yeba ambigit inggi puwa-o luk peragi-o.

NDAWI ENGGA 107:19

Anggun panggun iri nggal kagolat-nen it-nen Nagawan Indo eram wene pil lagola-ge, at-nen-e inndi kabak yogola, inmiri yij-o.

MATIUS 8:3

Yak tosoloma-ge, Yesus na at inggi-ge ap iri na ebem puruk-nen yosolar-e: ”Iri kwat kuburak nindingen-o. Ambut min-o” luk yosoloma, ereya nanet at ebem mbidnak ndigiril laso mbijap iri na ambut yij-o.

MARAKUS 16:18

waro lombok togolat, wat yurak wi nujwa-t nde, wat yigit lak yogolat; kugi indidnak nap tena onpogola, ki rak onpogolat iri nggal-et kwaril nuwa-o” luk yij-o.

MARAKUS 5:24

Yesus na-ge at imin luk mbirij-o. Mborosola-ge, ap kwarat at langgaluk mborogolar-e, inmik mik-nen panggona keya biga-o.

MARAKUS 6:13

Iri kwarogolar-e, kugi kwarat wirik pogolat, ap kugi worak enpem amburu kilik pogolat ki rak onpogolat woraiga-o.

MARAKUS 7:32

Wok yosola-ge, eyanggo lak, ama mbarak nap misig-e ap-nen Yesus eram pil lobok lug-e, Yesus inggi at ebem puwakluk emengen mbariga-o.

MARAKUS 8:23

Emengen mbarogolikma-ge, Yesus-nen-e ap erengen ngguru na inggi tenaburuk, o silmu-nen waruk mberarig-e, erengen pem wusi toboksa puruk, inggi tenaburuk-nen kin wok obosolar-e: ”Yawo kar-e yi mende ndi mende mbi kasu, lak, lag-a?” luk kin wok ibij-o.

LUKAS 13:13

Yak turuk, Yesus-nen inggi kwe na tena bosola ereya na-net kwe na motsa men luk, Mbal Pem Nagawan erembel wanij-o.

LUKAS 4:38

Yesus na-ge tepan yugwi ma-nen mberarik, Simon ama nggwidnggal-e, Simon owan iri-ge kugi embem wuloksa wiridnak worasola-ge, kwe na yongga wuruwaklug-e, ap-nen Yesus yak tiga-o.

LUKAS 4:40

Nde, molengen woroksa nggosola-ge, it ennggamirak-nen kugi nin tak nan tak enpem mbidnak nab-e Yesus eram inpil lobok yogola, at inggi-nen enambik tak tena unpurug-e, pidsa ki rak inpij-o.

LUKAS 7:12

Mborogolar-e, o siri pak tumende bem panggosa wok yil mbiriganggal-e, ap lugunik misig-e en wutluk waruk mbepme nggwe wakmu, eneyagaij-o. Nde, la lugunik iri-ge kwe togwe ambara misiget nderag-o. Nde, o iri me woragwi ap kwarat na kwe iri na imin waiga-o.

YOANES 11:3

Iri ala-ge, Lasarus iridtak mberen iri-nen wene wosa Yesus eram pil mborogolar-e: ”Nagawan Indo wa-e. Nit nintid kanggam abuwa worak na-ge kugi worak worasu-o” luk yiga-o.

YIDNAK YIDNAK WENE 28:8

Nde, Pubelius eid na-ge kugi embem wuloksa wiridnak me, al-e eyabi min worosolat woragaij-o. Worasoma-ge, Paulus-nen at eram nggwarik, amanggim tepan luk, inggi-nen tena bosoloma-ge, ap iri na ki rak pij-o.

YIDNAK YIDNAK WENE 6:6

It iri-ge wirik inpidnak nap na endam inpil lobok yogola-ge, ir-e tepan yuruk ininggi-nen tena inpiga-o.

YIDNAK YIDNAK WENE 8:17

Iri ala-ge, mberen nap na ininggi-nen it tena onpogola-ge, Konak Indi waniga-o.

YIDNAK YIDNAK WENE 9:12

Tepan yosolat worasoma-ge, nabi nggal pem kasolar-e, ap unu-ge Ananias nggosolar-e, at erengen tuguruk kuwak yuwakluk inggi-nen tena bosoloma kagaij-o” luk yak tij-o.

YIDNAK YIDNAK WENE 9:17

Yak tosoloma-ge, Ananias na mberarig-e, o iri na me nggwij-o. Nggosolar-e, at inggi-nen Saulus na tena buruk-nen yak tosolar-e: ”Nanggam Saulus wa-e. Kat tula lobok yosoma, at ambikpebe mirik kibid nap Nagawan Indo Yesus-nen kat kerengen tuguruk kuwak yosolat, Konak Indi-nen kat yebet tak kobosolat makluk, an wirik nebamu-o” luk yak tij-o.