MARAKUS 5:15 - Nanduk Ngget Tul Pidnak Wene

¹⁵ Kil lobok yogolat, Yesus eram wok yiganggal-e, kugi Kwarat arem lin yidnak woragaid nap iri na indi kwatluk, sum yutluk, iri me koreyak worala karuk, it pidsa kwiye kaiga-o.

MARAKUS 5:15 ပူးပေါင်းရင်းမြစ်များ

NDAWI ENGGA 14:5

Mbal Pem Nagawan-e at-nen yidnak yidnak kwarugwi nab-e inmin worasola, meya yugwi nab-e kwiye kwarat yuwa-o.

MATIUS 12:29

Nde, ap amawi worak na kamarak pigit lak-nen-e, nggerak puruk-nen at ama ngguruk at arengge inggem munggurag-o? At kamat uburuk-nen perak nde at arengge inggem munggurag-o.

MATIUS 26:53

An-nen Neid eram nggi yiginggal-e, wim purak aid nap kere duabelas nggal-e lak, terak minik kwarat ndaget nak an neram pil lobok yelep pug-o luk perasu-a?

MATIUS 4:24

At obog-e o Siria uwi oboksa wigak yil mborosola-ge, ap-nen at eram wok unpuruk lobok yogolar-e, kugi nin tak nan tak enpem mbidnak nap oboksa min, kugi andi-nen yane wurugwi nap min kugi enarem nggwidnak nap min ininggi nggonggo onowak nggonggo entagup kila kilasa wat yugwi kugi enpem mbidnak nap min kambung puk tak woragwi nap min wok unpuruk lobok yogola, Yesus-nen it oboksa ki rak onposolat woragaij-o.

MATIUS 9:33

Nde, kugi iri na wirik posoloma ereya na-net ap iri na-nen ene yosola-ge, ap kwarat iri-nen yogolar-e: ”Yu nggal yu-ge Isarael nap enma yu menen-e mondok kagwi bug-o” luk wi langgu mbariga-o.

MARAKUS 5:14

Iri lug-e, it wam yik karok woragwi nap na-ge puburak mborogolar-e, wene iri na-ge o siri iri me min o inggi inggi woragwi ereba min wene na wigarogola-ge, it ap-nen iri kwaridnak wene na kuluruk, kil lobok yiga-o.

MARAKUS 5:16

Kagolikma-ge, it inmbiri bem kwaridnak nap-nen-e kugi arem lin yidnak nap kwat ibidnak wene min wam iri na wene min kenggara yak indiga-o.

MARAKUS 5:18

Yogoloma, Yesus na e koma arem nggosola-ge, kugi arem lin yidnak woraidnak nap na-nen emengen mbarosolar-e: ”Yesus wa-e. An-e totnor-o” luk Yesus emengen mbarij-o.

MARAKUS 5:4

It-nen at kamarogolar-e, mbunu bem-et inggi ijok posid kere bem kamarak piga-t nde, ar-e posid kere na ndela keya bosolat, posid owak ijok pem pidnak na yigisa keya boso me, at amawi kwarat me, ap misik-nen ebem laruk nggweyak ma purak na meya-o.

MARAKUS 5:9

Yosoloma-ge, Yesus-nen kin wok obosolar-e: ”Kat kunu-ge ta-o?” luk kin wok obosoloma, at iri-nen yosolar-e: ”Nit nenpe-ge kwarat me, an nunu-ge kwarar-o” luk yij-o.

LUKAS 10:39

Kwe na owot unu-ge Maria. Nde, Maria iri-ge Nagawan Indo eram kore luk, at-nen mul undusu wene iri na kolak woragaij-o.

LUKAS 8:27

Wok luk, Yesus na kenangga wesi bem mbosola-ge, ap o siri iri me woraso nap kugi arem nggwidnak nap mbi imin lambuk yij-o. Ap iri na-ge obi-net sum keya buruk, we koro nderak woraso-o. Nde, ar-e oma nene yoso buk, ap yapma inpidnak sa nak nene yil noso-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

2 TIMOTIUS 1:7

Nde, Mbal Pem Nagawan-nen-e kwiye yurak indi wok nundusu-ge lag-o. Are, Konak Indi-nen-e nenmawi rak posolat, ap enabuwa kagwi rak nonposolat, nondomok mamak puruk wolmomtak elem wok nondosolat, yusu-o.

1 SEMUEL 16:4

Yak tosoloma, Semuel na Nagawan Indo-nen yid iri na ndak ndag-et Mbetleyem mbirij-o. Mberarik, Mbetleyem wok yosola-ge, o iri me-nen enne kulugwi nap ereba na-nen-e wendet luk, Semuel wok obogolat-nen kin wok obogolar-e: ”Nonmbo wa-e. Kar-e kalen min-et nendam lobok yusu, lak?” luk yak tiga-o.