MARAKUS 4:38 - Nanduk Ngget Tul Pidnak Wene

³⁸ Yesus na e koma ayo nggwe anggul kwi mbara nene yosolat worasoma-ge, owosirak iri-nen sil karuk, yak togolar-e: ”Nggomo Nondoso Nap wa-e. Yi-nen nok nunpuwa yu-ge kar-e nit yebet neneyasu bug-a?” luk yiga-o.

MARAKUS 4:38 ပူးပေါင်းရင်းမြစ်များ

YESAYA 63:15

Nagawan Indo wa-e. Kat woraso sa marak abinal worak aid arem-nen kerengen-e mbel niniyi-o. Kat kamawi woraso min nenabuwa kaso min-e ngge rak pigenma-o? Nunpud kaso min nenabuwa kwarat kaso min-e ngge rak pigenma-o? Nenabuwa yigit lak keya nunpurak pug-o.

YESAYA 64:12

Nagawan Indo wa-e. Ereba oboksa kar-e karug-et nde, larok yurag-e ndag-er-a? Kar-e nggeluk-nen nir-e anggun panggun mondok kwiye worak tak nonpogola, kindiyabu nak worasu-o?

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

MATIUS 8:25

Nene yosola-ge, at owosirak na at eram lobok yigarik, at uruk tak puruk-nen yak togolar-e: ”Nagawan Indo wa-e. Ninmiri yi-o! Nir-e yi mbili-o,” luk yak tiga-o.

MARAKUS 4:37

Mburukmu-ge, obube nggulok puk kil lobok yosolar-e, yi nggweyerep nggwayerap lobok yosolar-e, e koma yu na arem sabera nggosolar-e, yi-nen yebet yij-o.

MARAKUS 4:39

Yogolikma-ge, Yesus na men luk, obube na yak tosolar-e: ”Meyog-o” yak turuk, yi min yosolar-e: ”Tugup lak yi-o!” luk yij-o. Yosoloma-ge, obube na kondok yosolar-e, yi na tugup lak yij-o.

LUKAS 8:24

Alama-ge, at owosirak na Yesus eram mbirigarik, sil kagolat-nen yak togolar-e: ”Mul Nondoso Nap wa-e. Mul Nondoso Nap wa-e. Yi-n nok nunpuwa-o!” luk yogoloma-ge, Yesus na menluk, obube min yi nggweyerep nggwayerep yidnak min na met posoloma, obube na min yi nggweyerep nggwayerep iri na min lak yosolat, yi koma na ndong yij-o.

YOANES 4:6

Yakup-nen yi kenanggurak pem nggweyak emnde nenaridnak na-ge o iri me woragaij-o. Nde, Yesus na-ge tula lobok yosolat ababok lak yidnak me, yi emnde mbarak iri na eralu kore yij-o. Nde, iri kore yid iri-ge mo enggendumu nggal kore yij-o. (jam duabelas).

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

1 PETERUS 5:7

Ar-e kit kwara lombot konposo me, kir-e kunmud kagwi mende pidsa-ge at eram nak keya ber-o.