MARAKUS 4:12 - Nanduk Ngget Tul Pidnak Wene

¹² Iri yusu iri-ge ’ir-e Mbal Pem Nagawan eram lobok luk, it meya yidnak amberam tak puwa naru, it enlengen-nen kujwa-t nde, kwara kujwa bug-o. It eneyanggo-nen kuluwa-t nde, indi-nen yebet kujwa bug-o’ ” luk yak indij-o.

MARAKUS 4:12 ပူးပေါင်းရင်းမြစ်များ

YESAYA 43:8

Mbal Pem Nagawan-nen yosolar-e: ”An nilirag-e enlengen worag-et nde, enlengen ngguru min eneyanggo worag-et nde, eneyanggoru lak min-e ndak yu me wirik inpil lobok yer-o.

YESAYA 44:18

Nde, ap iri nggal kwatli iri-ge mondok ndemeret wid-net yili-o. Iri kwatli nab-e enlengen min inndi erengen min-e ndamuk muruk tak yebet kagwi buk-nen yili-o.

YEREMIA 36:3

Erep-nen-e Yewura nab-e an-nen it enpem lak tak onposo mende pil lobok yimin wene iri na kirimbi kulurug-e, it-nen meya kwatli keya buruk, kondok yuwa nde ma-o. Iri yogola-ge, an-nen-e it-nen idnak meya min it-nen meya kwarugwi min-e namberam tak pimin-o” luk yij-o.

MARAKUS 8:18

Kit kenlengen-e worasu-t nde, kali bug-a? Keneyanggo na worasu-t nde, kulili bug-a? Kir-e yu na yep tak worali bug-a?

LUKAS 8:10

Yogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene-ge kit kenaru yuwakluk we wok ondoso mende-ge wok kindidnak worasu-o. Alat nde, ap ereb-e it enlengen-nen kagolar-et nde, kagit lak yogolat, kologolar-et nde, yebet kagit lak yogolat makluk, nden karuk wene bem mul undusu-o” luk yak indij-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

2 TIMOTIUS 2:25

wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

IBERANI 6:6

inndi angin tubu yidnak keya bili nab-e it meya yidnak keya buruk kondok makluk, tuguruk ininggi waruk lobok yurag-e mondok meyar-o. It iri-nen-e Mbal Pem Nagawan Ambara na-ge tuguruk e lang pang tak pem worogolat, ap inmbiri bem at inggiri witli iri bem-nen it kondok yurag-e meyar-o.