MARAKUS 3:3 - Nanduk Ngget Tul Pidnak Wene

³ Yesus-nen inggi nggorak nap iri na yak tosolar-e: ”Enggendumu ya-t men min-o” luk yak tij-o.

MARAKUS 3:3 ပူးပေါင်းရင်းမြစ်များ

YESAYA 42:4

Ar-e indi kabak yigit lak, tugup lak iri-net at-nen mot mot kwaroso elem iri na-ge nggweyakma yu me nggok tak puwa-o. O erepma nin sa woragwi-nen-e at-nen mul ondoso wene kulurak indingen ma-o” luk yij-o.

NDANIEL 6:10

Yogoloma-ge, Nagawan Ndarius-nen-e: ”Iri nggal-et kwarogolat wolmomtag-o” luk mbaridnak pem at inggi amburu pij-o.

MATIUS 12:10

Nggosoma-ge, iri na me-ge inggi ponok nggwe wat yidnak nap misik woragaij-o. Worasola-ge, ap erep-nen Yesus abut mbarogolat-nen kin wok obogolar-e: ”We woragwi tarem ap ki rak unpurag-e op, lak?” luk yak tiga-o.

MARAKUS 3:2

Nde, iri me woraiga nap-nen-e: ”Yesus-e we woragwi tarem ap ki rak puwa, lak?” luk, at abut mbarogolat woraiga-o. Iri yiga iri-ge at-nen lugud tak posola-ge, ebem wene mbaruwokluk-nen yiga-o.

MARAKUS 3:4

Nde, Yesus-nen it kin wok onposolar-e: ”We woragwi tarem-nen op kwarurag-e ngge-o? Ap konak tak umpurak nde op, lak? Are,ap meya rak unpurak nde ob-a? Ap inmiri yurak nde ob-a? Are, ap undurak nde ob-a?” luk kin wok inpij-et nde, ir-e enne lak yiga-o.

LUKAS 6:8

Alat nde, Yesus na it inndi-n yebet kaidnak na aru luk-nen inggi nggorak nap na yak tosolar-e: ”Kar-e men luk, ndumu yu me men yil lobok yi-o” luk yak tosoloma-ge, ap iri na men yil mbirij-o.

YOANES 9:4

An nibil lobok yidnak nap-nen kwaroso mende-ge o lengge worala-net kwarogolat wolmog-o. O ndamuk ma-o. Nde, o kubu yosola-ge, ap misiger-o luk tet yabu wanurag-e meya-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

PILIPI 1:14

Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.