MARAKUS 3:23 - Nanduk Ngget Tul Pidnak Wene

²³ Yogolikma-ge, Yesus-nen ap kwarat wene mbo unpuruk, nden karuk wene bem yak ondosolar-e: ”Sere-nen-e nggerak puruk Sere wirik poso-o?

MARAKUS 3:23 ပူးပေါင်းရင်းမြစ်များ

NDAWI ENGGA 49:4

Nden karuk wene-ge an-nen kwara yebet karuk, ”Ebe-ge iri nggal-o” luk para yosolar-e, kecapi poba ene rak posolat-nen yimin-o.

MATIUS 13:3

Woragola-ge, at-nen nden karuk wene bem wene kwarat yak ondosolat-nen yosolar-e: ”Uwi pil kaso nap misig-e uwi pil kil mbirij-o.

MATIUS 13:34

Yesus-nen ap kwarat iri na mul ondosolar-e, oboksa nden karuk wene bem nak mul ondosolat woragaij-o. Nde, mariget ter-o luk we wene bem mbi yak indigit lag-o.

MATIUS 4:10

Yosoloma-ge, Yesus-nen at yak tosolar-e: ”Kat Sere yu-ge mbiri-o! Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan nak kek tak uburuk, at arig-et nak ndegel obosolat wolmin-o’ luk yij-o” luk Yesus-nen yak tij-o. [

MARAKUS 12:1

Iri luk, Yesus-nen nden karuk wene bem it tepan omborak nagawan nagawan min imiri mbarak pidnak wene enaru nap min Yawuri nap nagawan nagawan min yak ondosolar-e: ”Ap misik-nen-e anggut engen uwi yaguruk, leget wanuruk, engen amburu mbulurak ondoro nggweyak yaluruk, yik karok wolmomtak o lije teram mbi wirij-o. Iri rak puruk, ap erep-nen parugu woraidnak pem engen mbi wanuwakluk yak undurug-e, at iri-ge o nin sa mbirij-o.

MARAKUS 3:24

Nde, nagawan misik-nen tenagaidnak wi iri na me woragwi nap-nen nde lambuksa woragit lak, kuri worak woragolar-e, nagawan iri-nen tenagaidnak wi-ge nari wari ma-o.

MARAKUS 4:11

Kin wok obogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene iri-ge kit yak kindigi na-t nde, it mbepme worali nab-e nden karuk wene bem-et yak undusu-o.

MARAKUS 4:2

Worakmu-ge, nden karuk wene nin tak nan tak irit mul ondosolar-e, yu nggal yak indij-o: