MARAKUS 3:11 - Nanduk Ngget Tul Pidnak Wene

¹¹ Nde, ap enarem nggwidnak kugi ereba-nen at karuk, at eram mbud yogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o” luk yiga-o.

MARAKUS 3:11 ပူးပေါင်းရင်းမြစ်များ

MATIUS 14:33

Kondok yosoloma-ge, it e koma arem woraiga nap-nen Yesus erembel wanogolar-e: ”Kar-e ndemeret Mbal Pem Nagawan Ambara-nen yusu-o” luk yiga-o.

MATIUS 4:3

Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MATIUS 4:6

at yak tosolar-e: ”Kar-e Mbal Pem Nagawan Ambara nde ala-ge, kud mboksa nggweyak ma mbi-o. Nde, Mbal Pem Nagawan Engga mbarak pem-nen yosolar-e: ’Mbal Pem Nagawan-nen-e at-nen idnak nap inpil lobok yuwama, kimiri yogolar-e, kat kijog-e kerep pem pijaksa mbugun naru, it ininggi mok pem tak kubuwa-o’ luk yij-o”.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MATIUS 8:31

Nde, kugi iri-nen Yesus emengen mbarogolar-e: ”Kat-nen wirik nunpurak ala-ge, wam iri na arem ngguwok-nen wirik ninpi-o” luk yiga-o.

MARAKUS 1:1

Mbal Pem Nagawan Ambara Yesus Kerisut owene konak wene-ge yu-o.

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

LUKAS 8:28

Ap iri-nen Yesus kasoluk, ene ngguloksa yuruk, Yesus eralu tud yosolat-nen yosolar-e: ”Kek tak Woraso Mbal Pem Nagawan Ambara Yesus wa-e. An-e ngge rak nubugun-o Nap wa-o. An andi bandi rak nuburak pug-o!” luk yij-o.

YIDNAK YIDNAK WENE 16:17

Nde, kwe na-ge Paulus min nit min ninmbirik langgal nunpuruk lobok yosolat-nen ene nggoksa yosolar-e: ”It yu-ge Mondok Kek tak Mbal Pem Nagawan ndegel ubugwi nap-nen yili-o! Kit kinmiri yurak tula mirik kinpili-o!” luk yij-o.

1 KORINTUS 11:34

Kit ndok witli iri-ge meya rak kunpurak pem ndok wurugup naru, ta-nen nde nere ala-ge, ama-nen nujwag-o. Nde, wene ereb-e an lobok yimindik-nen konimin-o.

YAKOBUS 2:19

”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.