MARAKUS 2:5 - Nanduk Ngget Tul Pidnak Wene

⁵ Pil mbogoloma, Yesus-nen it ereya na lik eneyagaidnggal-e, it inndi angin tubu yidnag-e ija-t karug-e, kambung puk tak woraso nap iri yak tosolar-e: ”Nambara wa-e. Kat meya yidnag-e namberam tak pigi-o” luk yak tij-o.

MARAKUS 2:5 ပူးပေါင်းရင်းမြစ်များ

NDAK WIRIDNAK WENE 22:12

Yosoloma-ge, Nagawan Indo-nen aid nap yak tamu, Abarakam yak tosolar-e: ”La iri andi bandi rak posolat, ebem yi kwatlik ndi kwatlik kwarurak pug-o. Kar-e kambara misiget nderag-et nde, kar-e an-nen yidnak iri na-t kek tak posolat, an-nen yidnak yidnag-et kwarosolar-e, kambara kindi angin lag-et wosa an namanggim peyekluk yusu keyagi-o” luk yak tij-o.

NDAWI ENGGA 103:3

Kat-nen meya kwaroso oboksa at-nen lak tak pusu-o. Kat-nen kugwi kebem mboso oboksa-ge at-nen ki rak kubusu-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

MATIUS 9:22

Alat nde, Yesus na nden karuk, kwe iri na karuk-nen at yak tosolar-e: ”Nara wa-e. Kindi tugup lak wolmin-o. Kat kindi angin tubu yigen iri-net ki yaga wok kirij-o” luk yak tosoloma ereya na-net kwe iri na ki yij-o.

MATIUS 9:5

’Kat meya yidnak iri-ge namberam tak pigo-o’ luk yak turag-e angin, lak? Are, ’Kar-e men luk mbiri-o’ luk yak turak nde angin-a?

MARAKUS 2:6

Yak tosoloma-ge, iri me koreyak woraidnak imiri mbarak pidnak wene enaru nap-nen enarem peragolar-e:

MARAKUS 5:34

Yak tosola-ge, Yesus-nen kwe iri yak tosolar-e: ”Nara-o. Kat kindi angin tubu yigen iri na-nen kimiri yij-o. Kindi yek tag-et mbiri-o. Kar-e abu ki yigen-o” luk yak tij-o.

LUKAS 5:20

Mberak obogola-ge, Yesus-nen it inndi angin tubu yidnak yenggerak karug-e, at-nen ap yu na yak tosolar-e: ”La yu-ge wa-e. Kat meya yidnag-e namberam tak pigi-o” luk yak tij-o.

LUKAS 8:48

Yosoloma-ge, Yesus-nen kwe na yak tosolar-e: ”Nara wa-e. Kindi an nebem angin tubu yigen iri-nen ki rak kibij-o. Kalen min-et mbiri-o” luk yak tij-o.

YOANES 2:25

At-nen-e ap inndi arem-nen peragwi mende oboksa aru me, ap-nen-e: ”Ki nap inndi arem-e iri nggal peragwi-o” luk at yak turag-e lag-o.

YOANES 5:14

Misik tarem-e Yesus na-ge Mbal Pem Nagawan ama-nen ap iri na karuk, at yak tosolar-e: ”Yawo kar-e ki yigenma-o. Nanduk kebem mbid iri-ge te nggal-et nde, terak mena kebem mbuma naru, meya mbi kwarurak puk na-e” luk yak tij-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

YIDNAK YIDNAK WENE 14:9

Iri yidnak nap na-ge Paulus-nen wene yosola-ge, kolak woragaij-o. Nde, Paulus na-ge erengen ap iri na ebem kere kererak woralat-nen yik kagaidnggal-e, ap iri na indi angin tubu yidnak me, ki rak purak irit yenggerak karuk-nen

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

1 KORINTUS 11:30

Iri kwatli bem-nen kit kennggendumu-ge ap kwarar-e enmawi lak yogolat, ud kondogolat yogolar-e, ap erep kwarat wat yogolat yili-o.

2 KORINTUS 2:10

Kit-nen nde ap misik-nen meya yidnak kenmberam tak pogola-ge, an-nen na nemberam tak pimin-o. Nde, an-nen nde ap meya yidnak nemberam tak posola ge, – an-e nemberam tak purak mbi mondok worala-ge – iri-ge kit kenpem ala Kerisut inmbiri bem-et nemberam tak pimin-o.

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

KOLOSE 3:13

Kit na kit-net kennggam imin mamak puruk woragolat, kit meya rak kinpidnak mbi worala-ge, ”Wiwa-o” luk yak kerak mbogolar-e, lak tak pogolat wolmer-o. Nagawan Indo-nen kit meya yidnak amberam tak pid nggal, kit-nen na iri nggal-et nin nap-nen meya rak kinpidnak mondok kenmberam tak per-o.

YAKOBUS 5:15

Nde, inndi angin tubu yogolat-nen tepan yogola-ge, kugi worak nap iri kugi lak tak puruk, Nagawan Indo-nen ki rak puwa-o. Nde, at-nen meya kwaridnak mbi worala-ge, amberam tak puwa-o.