MARAKUS 2:27 - Nanduk Ngget Tul Pidnak Wene

²⁷ Yak unduruk, Yesus-nen it yak ondosolar-e: ”We woragwi tarem iri-ge ap enmanggim lenak pij-o. Nde, ap ndak worak inpid iri-ge we woragwi tarem amanggim ndak worak inpigit lag-o.

MARAKUS 2:27 ပူးပေါင်းရင်းမြစ်များ

MBIRIGA WENE 23:12

Minggu misik arem kit-nen yabu wanogolar-e, enam tarem nak wanurag-o. Alat nde, tuju bem tak pogolar-e, konowam min kit ndegel kunpugwi nap min ap ngguru yabu wok kundugwi nap min enpabok kwaruwakluk kir-e kenpabok kwarogolat we wolmomtag-o.

YESAYA 58:13

Nagawan Indo-nen yosolar-e: ”An-nen we woragi tarem iri-ge an namanggim mondok kek tak purag-o. We woragwi tarem-e kit kondomok kenmanggim kwarogolat wolmomtak pug-o. We woragwi tarem iri kek tak pogolar-e, nin me nan me mbirigit lak, yabu na mondok wanigit lak, ebe lak wene na yigit lak nde ala-ge,

MARAKUS 2:28

Iri bem-e we woragwi tarem iri-ge Ap Ambara inggem pidnak-nen yusu-o” luk yak indij-o.

LUKAS 6:9

Iri lug-e, Yesus-nen it yak ondosolar-e: ”Wene yu nde kin wok kenpeyeg-o: We woragwi tarem-nen kwarurak ndag-e ngge nde perali-o? Ap yongga undurag-e op, lak? Ap meya rak unpurak nde ob-a? Ap inmiri yurak nde op, lak? Are, ap undurak nde ob-a?” luk kin wok inpij-o.

YOANES 7:23

Musa-nen imiri mbarak pidnak wene na kuruk tul naru, li iniye ambasap iri-ge we woragwi tarem-nen wabugwi na-t nde, an-nen we woragwi tarem-nen ap misik mondok ki rak pigi na bem-nen kir-e noluk-nen kinsilepma an nebem pili-o?

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

KOLOSE 2:16

Iri bem-e, nunggwi mende bem ala na, yi norak wene bem ala na, inik inik sakwi wene bem ala na, waneya ngget yarosola kwarugwi bem ala na, we woragwi wene bem ala na, ap-nen ”Iri nggal-o” luk yak kondogola-ge, kulurak pug-o.