MARAKUS 2:26 - Nanduk Ngget Tul Pidnak Wene

²⁶ Abiyasat na-ge tepan ombo nagawan worasola tarem-e at Ndaud-nen Mbal Pem Nagawan ama nggwarik, Mbal Pem Nagawan amanggim pidnak oroti na ninggij-o. Nde, oroti ninggid iri-ge we nap-nen nunggwi bug-o. Tepan ombo nak-nen nunggwi oroti-t nde, at nasolat, at imin nugwi nap mak indid nar-o” luk yak indij-o.

MARAKUS 2:26 ပူးပေါင်းရင်းမြစ်များ

2 SEMUEL 15:24

Nde, tepan ombo Sandok min Abiyatat min-e Lewi nap Nagawan Indo-nen idnak urul pidnak wene labu mbarak waruk mbitli ereba na inmin woraiga-o. Nde, urul pidnak wene labu mbarak iri na-ge nggweyak ma purug-e, ap oboksa o siri iri na me-nen ndegera lobok yigit lak ma-ge kud tigit lak woraiga-o.

2 SEMUEL 15:29

Yak tosoloma, tepan ombo Sandok min Abiyatat min na-ge urul pidnak wene labu mbarak iri na-ge tuguruk Yerusalem waruk mbirigarik, iri me woraiga-o.

2 SEMUEL 15:35

Nde, tepan ombo Sandok min Abiyatat min na iri me-t wolma-o. An woraso sa iri me-nen kulugun wene oboksa-ge kat-nen-e it mberen ereya-t yak undurag-o.

1 NAGAWAN NAGAWAN-NEN KWARIDNAK WENE 1:7

Iri rak purug-e, kwe Seruya ambara Yoap min tepan ombo Abiyatat min inmin wene mbarij-o. Inmin wene mbarosola-ge, Yoap min tepan ombo Abiyatat min-nen-e at-nen tu kore yusu iri na-ge ”Ob-er-o” luk yiga-o.

MATIUS 12:4

At iri na-ge Mbal Pem Nagawan ama ngguruk yarik, at min at imin nugwi nap min-nen-e Mbal Pem Nagawan amanggim pidnak oroti iri ningga-o. Nde, oroti iri-ge it we nap-nen nunggwi buk, tepan ombo nak-net norag-o yidnak oroti-t nde, ningga-o.

MARAKUS 2:25

Kin wok obogolikma-ge, Yesus-nen wene erep nggarosolar-e: ”Engga bem-e Ndaud-nen kwaridnak iri-ge kir-e kagwi bug-a? At min at imin nugwi nap min-e nunggwi mende lak me, nere alama,

1 SEMUEL 21:1

Nde, Ndaut na mberarig-e, tepan ombo Abimelek eram o Nop wok yosola-ge, tepan ombo Abimelek na-ge wendet luk Ndaut eram wurungsa wasolat-nen Ndaut kin wanosolar-e: ”Kar-e noluk-nen karig-et yeba-t lobok yigen-o?” luk yak tij-o.