MARAKUS 16:18 - Nanduk Ngget Tul Pidnak Wene

¹⁸ waro lombok togolat, wat yurak wi nujwa-t nde, wat yigit lak yogolat; kugi indidnak nap tena onpogola, ki rak onpogolat iri nggal-et kwaril nuwa-o” luk yij-o.

MARAKUS 16:18 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAWI ENGGA 91:13

Kat-nen-e singa ndakngge min waro min-et nde, ebem kuwok puruk, singa ndakngge sujwe min lese min-et nde, kuwok-nen yemen tenak woragun-o.

MARAKUS 5:23

Tud luk, ar-e kiri keresa Yesus emengen mbarosolar-e: ”An nara marik wat teyekluk yusu-o. Kat lobok yugundik an nara kinggi tena buruk, ki rak posola, uruk mag-o” luk yosoloma-ge.

LUKAS 10:19

Wene yu yebet ker-o. Nde, kir-e waro min kigaru min-et nde, kunuwok yemen kagolat, kit kunuwim nap enmawi lak tak pogola, it-nen andi bandi rak kinpigit lak momtak amawi-ge wok kundukmu-o.

YIDNAK YIDNAK WENE 19:12

Iri kwarosolar-e, Paulus irigak ndogwaroso sum ala na, yirik woraso sum ala na ap kugi worak enpem pogola-ge, kugi lak yosolat, enarem woraidnak kugi na mborosolat yij-o.

YIDNAK YIDNAK WENE 3:12

It ereba ndok worogola eneyaruk, Peterus-nen it yak ondosolar-e: ”Isarael nap wa-e. Kir-e noluk-nen wi langgu mbatli-o? Ap yu tula mburusu yu-ge nit mbek tak ninpidnak nap nit nondomok nenmawi-nen ki rak pidnak nggal tak puruk, noluk-nen nit yik neneyarok worali-o?

YIDNAK YIDNAK WENE 3:16

Nde, Yesus unu bem indi angin tubu yidnak me, at unu iri-nen ap yu-ge kir-e kenlengen-nen karuk yenggerak pili nap yu-ge amawi yaga wok tij-o. Indi-ge Yesus ebem angin tubu yidnak alat, ap yu-ge kit kinmbiri bem-et mondok ki agaid yur-o.

YIDNAK YIDNAK WENE 4:10

kit min Isarael nap pidsa min-e wene yu kenaru mer-o. Ap ki yaga wok tidnak kit kinmbiri bem mendak worasu yu perak nde, Yesus Kerisut Nasaret nap unu bem ki yidnak worasu-o. Yesus iri-ge kit-nen e lang pang tak pem wirigep na-t nde, Mbal Pem Nagawan-nen uruk tak pij-o.

YIDNAK YIDNAK WENE 4:22

Kwiye worak mende kwasa ki rak pidnak nap iri-ge molengen lasolat mbosolat empat pulu (40 tahun) nggal woraidnak nab-o.

YIDNAK YIDNAK WENE 4:30

Kat kinggi mberak puruk, ap ki yaga wok indi-o. Kat Ndegel Koboso Nap Yesus, Len Ibidnak Nap unu bem kwiye worak mende min kagwi buk mende min irit kwari-o” luk tepan yiga-o.

YIDNAK YIDNAK WENE 9:34

Karuk, Peterus-nen at yak tosolar-e: ”Eneas wa-e. Yesus Kerisut-nen kat ki rak kubusu-o. Menluk, kat nene yoso kondoro yu koni-o” luk yak tosola, ereya na-net ap iri na men yij-o.

OROMA 16:20

Nde, lambuk tak onposo elem Mbal Pem Nagawan-nen-e ndaget nak kit kunuwok ma Sere iri na yigisa keya buwa-o. Nenagawan Indo Yesus-nen we wok ondoso elem-e kit kinmin wolmag-o.

1 KORINTUS 12:9

Konak Indi misiget iri na-net ap misik wok tosolar-e, indi angin tubu yoso indi wok tosolat, nde, nin nap wok tosolar-e, ap ki rak unpurak amawi wok tosolat yusu-o.