MARAKUS 16:17 - Nanduk Ngget Tul Pidnak Wene

¹⁷ Nde, inndi angin tubu yuwa nab-e yenggerak purak mende yu nggal: An nunu bem kugi wirik pogolat: enaru bug-et nde, nin wene nan wene bem yogolat;

MARAKUS 16:17 ပူးပေါင်းရင်းမြစ်များ

MARAKUS 9:38

Yak ondosoloma-ge, Yoanes-nen Yesus yak tosolar-e: ”Nggomo Nondoso Nap wa-e. Ap mbi-nen-e kat kunu bem kugi wirik posola kaige-o. Karug-e, at iri-ge nit ninmin noso buk me, ’Iri mende kwarusu-ge meyog-o’ luk yak tige-o” luk yij-et nde.

LUKAS 10:17

Nde, at owosirak tujupulu wirik inpid na enalen min-et lobok yogolat-nen yak togolar-e: ”Nagawan Indo wa-e. Kat kunu bem wene yak ondogola, kugi tet nit-nen yidnak irit kwariga-o” luk yiga-o.

YOANES 14:12

An-e ndemeret yak kundusu-o. An nebem indi angin tubu yuwa nap-nen-e an-nen kwaroso mende pidsa at-nen na kwaruwa-o. Nde, an-e Neid eram mbirimin me, an-nen kwaroso-ge marik nggal-o. At-nen-e nggulok mende-t kwaruwa-o.

YIDNAK YIDNAK WENE 10:46

It iri-nen-e nin wene nan wene bem-et yogolar-e, Mbal Pem Nagawan erembel wanogola kuluruk-nen kwiye yiga-o. Yogolikma-ge, Peterus-nen yosolar-e:

YIDNAK YIDNAK WENE 16:18

Iri nggal kwarosolar-e, kwarat tarem nggal nene yij-o. Alama, Paulus na puk momtag-e meya alama-ge, nden karuk, kugi na yak tosolar-e: ”Yesus Kerisut unu bem kwe yu arem-nen mbiri-o” luk yak tosola ereya na-net kugi na-ge kwe na arem-nen mbirij-o.

YIDNAK YIDNAK WENE 19:6

Yi ma unpurug-e, Paulus na inggi it enpem posoloma-ge, Konak Indi-ge it enpem mbuwasolar-e, nin wene nan wene bem yogolat, aid wene yiga-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 5:16

Iri kwarogola-ge, o Yerusalem inggi inggi woragwi o siri-nen ap kwarat nggigirik lobok yogolar-e, kugi worak nap min kugi enarem lin yidnak nap min inpil lobok yogola-ge, it pidsa ki yiga-o.

YIDNAK YIDNAK WENE 8:7

Ap enarem lin yidnak kugi iri-ge kum nggulok yuruk enarem-nen mborogolat, kambung puk tak woragwi nde unuwok nggorak woragwi nde ki rak onposolat woragaij-o.

1 KORINTUS 12:10

Konak Indi-nen wok ondosolar-e, ap misig-e kwiye worak mende kwarurak amawi wok tosolat, nin nab-e Mbal Pem Nagawan-nen yidnak wene lomboksa yurak amawi wok tosolat, nin nap mbi-ge Konak Indi-nen idnak we wok ondoso mende min Konak Indi-nen wok indigit lak mende min mbenatluk yenggerak purak amawi wok tosolat yusu-o. Ap misik wok tosolar-e, nin wene nan wene bem yurak amawi wok tosolat, ap mbi-ge nin wene nan wene bem yidnak iri na nden yaga ndomoksa-t yurak amawi wok tosolat yusu-o.

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

1 KORINTUS 12:30

Pidsa-ge ap ki rak unpurak amawi wok indidnak nap nag-a? It pidsa-ge nin wene nan wene bem yugwi nap nag-a? Pidsa-ge nin wene nan wene bem yidnak iri-ge nden yaga yugwi nap nag-a?

1 KORINTUS 13:1

An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

1 KORINTUS 14:2

Ap mbi-nen nin wene nan wene bem yusu iri-ge ap yak undusu-ge lag-o. At-nen yidnak wene iri-ge ap-nen yebet kali buk me, Mbal Pem Nagawan-et yak tusu-o. Konak Indi bem-nen kura wene-t yusu-o.