MARAKUS 16:14 - Nanduk Ngget Tul Pidnak Wene

¹⁴ Abok nggwe-ge at owosirak sebelas na mburu nonggolat worakmu-ge, it inmbiri bem nam agaij-o. Nam lug-e, at uruk yidnak iri na kaiga nap-nen yidnak wene-ge te rak pigarik me, ir-e ndemerer-o luk, inndi angin tubu yigit lak yiga bem-e, met inpij-o.

MARAKUS 16:14 ပူးပေါင်းရင်းမြစ်များ

WONARIDNAK WENE 14:11

Nagawan Indo-nen Musa yak tosolar-e: ”It yu-ge pempa an nimin eyak wat tenag-et wolma? It enlem yu-ge an-nen-e kwiye worak mende it ennggendumu kwarat kwarusu-t nde, noluk-nen an nebem inndi angin tubu yili bug-o?

MATIUS 11:20

Iri luk, Yesus-nen kwiye worak mende kwarat it ennggendumu-nen kwaridnag-et nde, it iri na-ge kondok yigit lak ala karuk, o siri ereba na met onposolar-e:

MATIUS 17:20

Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

MATIUS 28:17

Mbirigarik, at karug-e, at erembel waniga-t nde, it ereb-e inndi-ge mberen nggal woraiga-o.

MARAKUS 7:18

Kin wok obogolikma-ge, Yesus-nen it yak ondosolar-e: ”Kit tet kinndi yebet kali bug-a? Mbepme nggwe-nen ap unlum arem pil nggugwi iri-nen-e ap meya rak onposo buk iri-ge kir-e kenaru bug-a?

LUKAS 24:11

Alat-nde, Yesus imin nugwi nap-nen peragolar-e, wene yu-ge ennesiget nde yili-o luk, te rak piga-o.

LUKAS 24:25

Yogolikma-ge, at-nen it yak ondosolar-e: ”Kir-e ndemeret wid-nen yili-o. Mbal Pem Nagawan ene lomboksa yugwi nap-nen yidnak wene oboksa bem kinndi kwara angin tubu yigit lak yu-ge ngge-o!

YOANES 20:25

Alama-ge, Yesus owosirak erep-nen at Tomas yak togolar-e: ”Nir-e Nagawan Indo na kaige-o!” luk yak togolikma-ge, Tomas na-nen it yak ondosolar-e: ”An-e inggi luruk wiridnak aroro na karuk, luruk wiridnak sa an ninggi mon kagit lak, araptap nggwe na an ninggi mon kagit lak-nen-e ndemerer-o luk peramin pug-o” luk yij-o.

YOANES 20:26

Yosoloma-ge, tuju nene luk, Yesus owosirag-e tuguruk o iri na me-t ndok worak woragolar-e, Tomas na-ge inmin-et woraiga-o. Tumende na pidsa imig worak piga-t nde, Yesus na lobok yarik, it ennggendumu mendak-nen yosolar-e: ”Nowosirag-o. Kinndi yek tag-et wolmer-o” luk yij-o.

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

YOANES 21:1

Iri rak purug-e, Tiberias Koma bem—nen Yesus-e at owosirak inmbiri bem tuguruk nam yij-o. Nde, nam yosolar-e, yu nggal kwarij-o.

YOANES 21:14

Iri kwarid iri-ge Yesus na wat yidnak ennggendumu-nen uruk luk, kenan pem tak posolat at owosirak inmbiri bem nam luk-nen kwarij-o.

YIDNAK YIDNAK WENE 1:3

At yane wutlug-e, ar-e ndemeret uruk worasu-o luk yenggerak puwaklug-e, it inmbiri bem at na at ondomok nuk eneyasolar-e, empat pulu tarem woralar-e, Mbal Pem Nagawan-nen tenagaidnak wi wene mirik onposolat woragaij-o.

1 KORINTUS 15:5

Uruk tak pamu-ge, Kepas na imbiri bem nam luk, imbirig-e mul ondoso nap duabelas inmbiri bem nam yij-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.