MARAKUS 15:34 - Nanduk Ngget Tul Pidnak Wene

³⁴ Keyama, jam tiga yosoloma-ge, Yesus na ene ngguloksa yosolar-e: ”Eloi, Eloi, lama sabaktani?” luk yij-o. Wene iri yid iri-ge: ”Nembal Pem Nagawan wa-e. Nembel Pem Nagawan wa-e. Noluk-nen keya nibigen-o?” luk yosolat-nen yij-o.

MARAKUS 15:34 ပူးပေါင်းရင်းမြစ်များ

NDAWI ENGGA 22:1

Nembal Pem Nagawan wa-e. Nembal Pem Nagawan wa-e. Kar-e noluk keya nubusu-o? An-e kat keram wene mbo bil luwasu-t nde, kar-e nene kuligit lak yosolat an-e yongga nurusu bug-o.

NDAWI ENGGA 27:9

An-nen kiyujwa naru, kurak yurak pug-o. Ndegel koboso nap an-e kisilepma nuburuk, keya nuburak pug-o. An Nimiri Yoso Mbal Pem Nagawan wa-e. Kar-e an yongga noroso-nen yusu-o. Mbo nibilik, keya nibilik yurak pug-o.

NDAWI ENGGA 42:9

An-nen an nambigit yoso Nembal Pem Nagawan yak kurusu-o: ”Kar-e noluk an meme rak nubusu-o? Noluk-nen an nuwim nap-nen anggun panggun tak nobogola, an-e andi bandi kundugu kasolat worasu-o?”

YESAYA 41:17

An nelem nap inmbiri lamut iri-nen yi kore yogolat, yi nere-nen enma umbuk yosolat kwarogola-ge, Nagawan Indo an-nen-e it-nen tepan yuwa-ge enne ereb-e nggarimin-er-o. Isarael nap Enmbal Pem Nagawan an-nen-e it keya inpimin pug-o.

NDANIEL 9:21

An tepan yosoma-ge, nanduk nabi nggal pem aid nap Nggabiriel kagi iri na-ge an nambigit pubu lobok yij-o. Iri kwarid iri-ge keyama nggwe Mbal Pem Nagawan amanggim wam wosa kan pugwi ndak ndak pem-et kwarij-o.

MATIUS 27:45

Nde, mo enggendumu-net o iri me obok ndamuk luk woralar-e, keyama jam tiga agaij-o.

MATIUS 27:46

Nde, jam tiga bem-e, Yesus-nen ene ngguloksa yosolar-e: ”Eli, Eli, lama sabaktani?” yid iri-ge ”Nambal Pem Nagawan wa-e. Nambal Pem Nagawan wa-e. Kar-e noluk keya nibigen-o?” luk yosolat-nen yij-o.

MARAKUS 15:25

At worogolar-e, mo kererak posola, jam sembilan pem e lang pang tak pem panggarak piga-o.

MARAKUS 15:35

Yosoloma-ge, iri me woraiga nab-e at-nen yidnak wene kuluruk-nen yogolar-e: ”Koler-o. Elia wene mbo busu-o” luk yiga-o.

LUKAS 23:44

Mo enggendumu jam duabelas pem-e mo na lumu luk, o iri me pidsa ndamuk luk woralar-e, o keyama jam tiga pem yij-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

YIDNAK YIDNAK WENE 10:3

Nde, misik tarem-e keyama jam tiga nggal pem ar-e nabi nggwe nggal nam-et yik kasolar-e, Mbal Pem Nagawan-nen idnak aid nap misik ama nggwarik-nen at yak tosolar-e: ”Korenelius wa-e” luk yak tosola kagaij-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.