MARAKUS 15:32 - Nanduk Ngget Tul Pidnak Wene

³² At yu-ge Kerisut, Isarael nap nagawan nde ala-ge, e lang pang tak pem-nen mbumag-o. Mbuwasola-ge, nit-nen iri karuk at ebem ninndi angin tubu yuwok-nen-o” luk yiga-o. Iri-nen at imin e lang pang tak pem panggarak inpiga nap mberen-nen na irit at pesel ibiga-o.

MARAKUS 15:32 ပူးပေါင်းရင်းမြစ်များ

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 1:17

Iri ala-ge, Abaram kuri-nen Ndaud kuri onmbo nderag-e empat belas-o. Nde, Ndaud kuri-nen o Mbabel tebel unpuruk wok unpuruk mbiriga kuri-ge onmbo nderag-e empat belas-o. Nde, o Mbabel wok unpuruk mbiriga kuri-nen Kerisut ndet yid kuri-ge onmbo nderag-e empat belas-o.

MATIUS 27:42

yogolar-e: ”At yu-ge nin nap inmiri yij-et nde, at ambik imiri yurag-e meya yusu-o. At yu-ge Isarael nap nagawan-net yusu, lak? Nde, ar-e e lang pang tak pem-nen mbuwasola-ge, nir-e ndenerer-o luk eberaul-o.

MATIUS 27:44

Nde, it ap nden unpugwi nap at totno e lang pang tak pem panggarak inpidnak nap-nen na iri nggal-et at nggweyel ibiga-o.

MARAKUS 15:26

Nde, at ebem pidnak wene-ge: ”Yu-ge Yawuri nap nagawan-o” luk engga mbarak puruk e lang pang tak na anggul pem piga-o.

MARAKUS 15:27

Purug-e, Yesus imin e lang pang tak pem panggarak onpogolar-e, ap nden unpugwi nap mberen, misik inggi kigit ambigit nggwe, misik inggi kware ambigit nggwe panggarak inpiga-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 12:13

Kulurug-e, it-nen-e mbari ngga yendera wanuruk, at abuwok mbirigarig-e, enne nggoksa-t yogolar-e: ”Mbal Pem Nagawan wa-o! Nagawan Indo unu bem lobok yusu nap yu-ge imbiringgat-nen yusu-o! Isarael nap nagawan yu-ge imbiringgat-nen yusu-o!” luk yiga-o.

OROMA 3:3

Nde, it Yawuri nap erep-nen mot mot nak kwarigit lak yiga iri-ge nunggwirig-o? It iri kwariga bem Mbal Pem Nagawan-e mot mot nak kwaroso buk kwat ma, lak?

2 TIMOTIUS 2:18

It iri-ge ndemeret wene na lugud tak pogola-nen mul ondogolar-e: ”Ap unluk momtak tarem-e abu kwat yamu-o” yogola-ge, ap erep inndi angin tubu yidnak na lak tak pili-o.