MARAKUS 15:19 - Nanduk Ngget Tul Pidnak Wene

¹⁹ Wa yak togolug-e, wangun pem anggulwak lel kagolat, wusi tebal pogolat, at erembel wanidnak nggal at eralu entare nggwe tud yogolat yiga-o.

MARAKUS 15:19 ပူးပေါင်းရင်းမြစ်များ

NDAK WIRIDNAK WENE 24:52

Yogolikma-ge, Abarakam ndegel oboso nap iri na-nen wene iri kulurug-e, tud luk Nagawan Indo erembel wanij-o.

NDAK WIRIDNAK WENE 43:28

Yosoloma, it-nen yogolar-e: ”Nab-o. Nit nineid ndegel koboso iri-ge ob-et worasu-o” luk at eralu yud tud mbiga-o.

1 NAGAWAN NAGAWAN-NEN KWARIDNAK WENE 19:18

Alat nde, Isarael wi iri me-ge ap tuju ribu (7.000) irit inmiri yimin-o. Nde, inmiri yimin nap iri-ge tugup lak an-nen yidnak yidnak kwarogolat, kugwi Mbaal ndak worak iri na erembel mondok wanigit lak yogolat, ndak worak iri na erabengen porok tigit lak woragolat kwarugwi nap irit inmiri-t yimin-o” luk yij-o.

NDAWI ENGGA 69:12

Ap ndok worak sa-nen pesel nobogolat enne manggim kwarak nibili-o. Inndi nden kaso yi nunggwi nab-e an nobok nak ndawi bem tak puruk yili-o.

YESAYA 45:23

An-nen-e ’Irit kwat kinpimin-o’ luk urul pukmu-o. Nde, an-nen urul yigi iri na-ge lugud tak pimin pug-o luk, an nondomok nunu bem owak mbarosolar-e, ap oboksa ondomoktak-nen enndaru yunggusa tud yogolat, it ondomok enne bem-net urul pogolar-e: ’Tugup lak, pem irit kat-nen yidnak yidnak kwarogolat wulmul-o’ luk urul yak nuruwa-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 50:6

An-nen-e an nombol-e an nitli nap enambigit nuk kagi-o. An nerabengen-e an nondoksu lit yaga pinili nap enambigit nuk kagi-o. Ap-nen nggweyel nobogolat, wusi tebal nobogola-ge, nerare kurakit lak, larok nak yigi-o.

YESAYA 52:14

Nandug-e ap kwarat-nen at yik karug-e, wendet yiga-o. Iri kwariga iri-ge at erare meyasa labuk yidnak me, ap entare nggal-e lak ala-nen kwariga-o.

MIKA 5:1

Nagawan Indo-nen yosolar-e: ”Mbetleyem Eperata wa-e. Kar-e Yewura nggweyak pem-nen o siri kunu lak, marig-et nde, kat kebem-nen Isarael tena unpuruk wolmomtak nagawan amawi worak misik mendak pimin-o. Nde, at iri-ge mondok o nanduk ereba na-net woraso-nen yusu-o” luk yij-o.

MATIUS 27:30

Iri yuruk, wusi tebara ebem puruk, wangun iri na waga at anggulwak lel kaiga-o.

MARAKUS 10:34

Iri lug-e, it-nen-e an pesel nobogolat, wusi tebal nobogolat, linggamburok norogolat tak nuburuk, e lang pang tak pem nuruwa-t nde, mberen naruk men yimin-o” luk yak indij-o.

MARAKUS 14:65

Yogolug-e, it ereb-e wusi tebara at ebem pogolat, at erare muruk tak puruk, ndumbuk worogolat-nen yak togolar-e: ”Kat kitli nap unnu mbi yi-o” luk yak tiga-o. Nde, it san ombo-nen na wiriga-o.

MARAKUS 15:18

at wa yak togolar-e: ”Yawuri nap nagawan wa-e. Wiwa-o!” luk wa yak tiga-o.

MARAKUS 15:20

Iri luk, at nggweyel uburuk, nagawan-nen yurugwi sum iri na yunggwirik puruk, at ambil usum yirik uburuk, e lang pang tak pem panggarak ubuwokluk waruk mbiriga-o.

MARAKUS 9:12

Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

LUKAS 22:63

Yesus yik karok woraiga nab-e at nggweyel obogolat, mbut worogolat yiga-o.

LUKAS 23:11

Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

LUKAS 23:36

San ombo-nen na at nggweyel obogolar-e, at eram lobok luk, anggut engen amburu meya iri na emendam pogolat-nen

OROMA 11:4

Nde, wene na erep nggarosolar-e, Mbal Pem Nagawan-nen-e ngge yak tij-o? ”Kugi Mbal iri erembel wanuwokluk endaru yunggusa kore yugwi buk nab-e an namanggim lenak inpigi-ge tujuribu irit worali-o” luk yak tij-o.

PILIPI 2:10

Iri bem-e, aid arem woragwi nap-nen na, nggweyak ma yu me woragwi nap-nen na, nggweyak urugwe nggwe woragwi nap-nen na, oboksa-nen it endaru yunggusa koreluk, Yesus unu kek tak pogolar-e,

IBERANI 13:13

Iri bem-e nit-nen na at eram o iri leget amberam nggwe mburuwog-o. Mbutlug-e, at imin nggweyel ninpidnak nap kwat mog-o.