MARAKUS 15:14 - Nanduk Ngget Tul Pidnak Wene

¹⁴ Yogolikma-ge, Pilatus-nen it kin wok onposolar-e: ”Ar-e no meya kwaramu-nen yili-o?” luk yosoloma-ge, it pidsa-nen ebem lud enne amawi min ngguloksa yogolar-e: ”E lang pang tak pem wururag-er-o!” luk yiga-o.

MARAKUS 15:14 ပူးပေါင်းရင်းမြစ်များ

NDAWI ENGGA 69:4

Erem lakma insili rak nibili nab-e enpe-ge an nanggulsu nggal-e lag-o. Terak minik kwarat-net yili-o. Ap enmawi worak an lak tak nuburak pem ennesiget wene nebem pili-o. Yariya wanigit lag-et nde, enne amawi bem watsa ”Uwi yagi-o” yak norogola, narengge poso-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YESAYA 53:9

Ar-e meya yugwi nap inmin-et yapma ibiga-o. Insilobulo worak nap yapma inpidnak ennggendumu yapma ibiga-o. Nde, at-nen-e meya na kwaroso buk, ap enmberam na laso bug-et nde, iri nggal kwat ibiga-o” luk yiga-o.

MATIUS 27:19

Nde, Pilatus na ap enpem wene mbarugwi sa koreyak worasoma-ge, at ogwe-nen wene wosa at yak tosolar-e: ”Kar-e lud tak nak yoso nap iri ebem owene erep tenagurak pug-o. Yawo kubu nabi at imin kagirik me, kwiye kwarat kagi-o” luk yak tij-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

MATIUS 27:54

Nde, san ombo wari min at imin woragwi san ombo ereba na min-e Yesus na yik karok worakmu-ge, o lele yosolat kwaridnak mende oboksa karug-e, ir-e kwiye mondok kwarat luk-nen yogolar-e: ”Ap yu-ge ndemeret Mbal Pem Nagawan Ambara-net yusu-o” luk yiga-o.

MARAKUS 15:13

Yosoloma-ge, it pidsa enne amawi min-et nggoksa yogolar-e: ”E lang pang tak pem mondok wururag-er-o!” luk yiga-o.

MARAKUS 15:15

Alama-ge, Pilatus na-nen ap kwarat na inndi yanggonosolar-e, Mbarabas na wesel indij-o. Iri luk, ”Yesus na linggamburok werer-o” yak unduruk, e lang pang tak pem panggarak ubuwakluk, sam ombo ininggem pij-o.

LUKAS 23:21

it-nen enne ngguloksa yogolar-e: ”E lang pang tak pem wururag-o! E lang pang tak pem wururag-er-o!” luk yiga-o.

LUKAS 23:4

Yosoloma-ge, Pilatus-nen tepan omborak nagawan min ap kwarat na min yak ondosolar-e: ”An-nen-e at ebem wene mbarurag-e at meya yidnak mbi lag-et kasu-o” luk yij-et nde,

LUKAS 23:41

Nde, nit nenmbereg-e nit meya yidnak pem yurag-et nindiga-o. Alat nde, at yu perak nde meya kwarigit lag-et nde panggarak piga-o” luk yij-o.

LUKAS 23:47

Wat yosola-ge, san ombo nagawan na-nen iri kwarosola karuk, Mbal Pem Nagawan erembel wanosolat-nen yosolar-e: ”Ndemerer-o. At yu-ge konak nab-o” luk yij-o.

YOANES 18:38

Yosoloma-ge, Pilatus-nen yosolar-e: ”Ndemeret wene iri-ge no mende-o?” luk yij-o. Iri luk, Pilatus na tuguruk mbepme Yawuri nap endam mberarik-nen it yak ondosolar-e: ”Nap tag-o. Ap yu-ge meya mbi mondok kwarigit lak kagi-o.

YOANES 19:6

Yak ondosoloma-ge, tepan ombo nagawan min Mbal Pem Nagawan ama towarak woragwi min-nen at karug-e, enne nggoksa yogolar-e: ”E lang pang tak pem panggarak per-o! E lang pang tak pem panggarak per-o!” luk yiga-o. Yogolikma-ge, Pilatus-nen it yak ondosolar-e: ”An-e at-nen meya mbi kwarigit lak kagirik me, kit kondomok-net waga e lang pang tak pem panggarak per-o” luk yij-o.

YIDNAK YIDNAK WENE 13:28

At wuruwakluk, mabin kore yigarik, lak alat nde, Pilatus na nggi yak togolar-e: ’At yu-ge wiri-o’ luk yiga-o.

YIDNAK YIDNAK WENE 19:34

Alat nde, it-nen lombot piganggal-e, at iri-ge Yawuri nap ala karug-e, it lambuksa enne ya mba renak woragolat-nen yogolar-e: ”Epesus nap unkugi Aretemis iri-ge nggulok-net yusu-o” luk yogolar-e, jam mberen lak tak piga-o.

IBERANI 7:26

Nde, nit nentepan ombo nggulok iri-ge Yesus at irit nindingen kali-o. At iri-ge mondok mbek tak woraso nap, lugud tak kwaroso buk, meya mbi mondok kwaroso buk nap-nen yusu-o. At na-ge meya yogolat woragwi nap inmin-e erep kundig-e lak, arik lenak me, ar-e mbal tap ombol nggwe kek tak pidnak nap-nen yusu-o.

1 PETERUS 1:19

Alat nde, konnggo posolar-e, lomba wam marik ambut lak, ebem kop kap lak woraso lomba Mbal Pem Nagawan amanggim wosa pidnak nggal Kerisut eyabi onggo nggok iri-nen konnggo pij-o.