MARAKUS 14:61 - Nanduk Ngget Tul Pidnak Wene

⁶¹ Kin wok ibij-et nde, Yesus-e onggo mbi yigit lak, ene lak nak woragaij-o. Alama, tepan ombo nagawan na-nen tuguruk at kin wok obosolar-e: ”Kar-e Kerisut, Kek tak Woraso Nap Ambara-nen yusu, lak?” luk kin wanij-o.

MARAKUS 14:61 ပူးပေါင်းရင်းမြစ်များ

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

YESAYA 53:7

Ar-e insilepma min lel mberel ibiga-t nde, eyak linggirik puruk, andi bandi kasolar-et nde, ene lak woragij-o. Lomba amarik ene lak worasola, urusu mbarugwi sa waruk mburugwi nggal, lomba ija usu mbarogola, ene lak woraso nggal, ene lak irit woragij-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MARAKUS 14:60

Iri ala karug-e, tepan ombo nagawan na ennggendumu-nen men luk, Yesus kin wok obosolar-e: ”It yu-nen wene kat kebem kiringgili yu-ge kar-e erep nggarigit lak yusu yu-ge ngge-o?” luk kin wanij-o.

MARAKUS 15:2

Nde, Pilatus na-nen Yesus kin wok obosolar-e: ”Kar-e ndemeret Yawuri nap Nagawan-nen yusu, lak?” luk at kin wok obosoloma-ge, at-nen yosolar-e: ”Kat yigen irir-o” luk yij-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 10:24

Yawuri nab-e at lop lop worogolat-nen yak togolar-e: ”Nit ninndi birik keya nunpuruk worasolar-e, nunggwirik woragun-o? Kar-e Mesias alar-e, nam-et yak nindi-o” luk yak tiga-o.

YOANES 10:36

Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 19:7

Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.

YOANES 19:9

Iri lug-e, ar-e tuguruk wene mbarugwi sa nggwarik, Yesus yak tosolar-e: ”Kar-e o ngge nab-o?” luk yak tij-et nde, Yesus-nen wene erep nggarigit lak, larok yij-o.

YIDNAK YIDNAK WENE 8:32

Nde, at-nen wonarosolat woragaid engga iri-ge yu nggal yidnag-o: ”At iri-ge lomba wam wuruwokluk waruk mburugwi nggal, lomba wam marik usu mbarugwi nap-nen usu mbarogola, ene lak woraso nggal, iri nggal-et ar—e ondogwak wisirigit lak yij-o.

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 6:15

Yesus na-ge Mbal Pem Nagawan nak-nen lud tak pidnak tarem-net nam ma-o. O tena woraso amawi worak iri-ge kek tak Mbal Pem Nagawan nak-nen yusu-o. Nggweyak tena woragwi nap pidsa onmbol pem Nagawan-nen yusu-o. Ar-e ki nap kek tak woragwi nap pidsa onmbol pem Nagawan Indo-nen yusu-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.