MARAKUS 14:41 - Nanduk Ngget Tul Pidnak Wene

⁴¹ Alama-ge, Yesus na kenan pem tak posolat-nen lobok yarik, it yak ondosolar-e: ”Kir-e nene yogolat, kenpabok kwarogolat kwat tenak worali-a? Yawo-ge ndak agaij-o. Ap Ambara na wesera meya yugwi nap ininggem purak tarem-e abu wok yij-o.

MARAKUS 14:41 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:27

Iri kwat tenak worakmu, o iri na lenggesilmu ala karug-e, Elia-nen pesel onposolat-nen yak ondosolar-e: ”Ar-e ndemeret mbal pem nagawan-et iri nar-o. Kenne-ge mondok nggok pem-net emengen mbarer-o! Erep-nen-e ar-e kwarurak ereba na indi yebet kerenak nde worasu, lak? Are, wanggema nde worasu-a? Are, tula nde mburusu-a? Nene nde yusu ma-o. Ndak mendak per-o” luk yak indij-o.

1 NAGAWAN NAGAWAN-NEN KWARIDNAK WENE 22:15

Yosoluk yarik, Mika iri na mberarik, Nagawan Akap eram wok yosola, Nagawan Akap-nen kin wok obosolar-e: ”Mika wa-e. An min Nagawan Yosapat min mburulndik, o Aramot nap enpem kore yurag-e op, lak? Nunggwirik kasu-o?” luk yij-o. Yosoloma, Mika-nen yak tosolar-e: ”Ndemeret Nagawan Indo-nen ombol nggwe rak kobosola, kar-et ombol nggwe yugun-o” yak tij-o.

AID WENE YOSO NAP 11:9

Ap sujwe wa-e. Kunsujwe woragolat-net kenalin kenalen yogolat wolmer-o. Kit kinndi-nen ukwe yidnak min kinndi pidnak min-nen yidnak yidnag-et kwarogolat wolmer-o. Alat nde, kwara kenaru wolmomtag-o. Mbal Pem Nagawan aid arem worasu iri-nen-e kit-nen kwarugup oboksa-ge mbenaruwa-o.

MATIUS 26:2

”Kir-e kenaru nar-o. Mberen narug-e, O Anggul Pandok Mbiridnak tarem-e Ap Ambara na-ge e lang pang tak pem panggarak ubuwakluk, iminep wisirik puwa-o” luk yak indij-o.

MARAKUS 14:10

Iri lug-e, Yesus owosirak duabelas na ennggendumu-nen Yuras Ikariot na-ge Yesus wesel endeyekluk tepan omborak nagawan nagawan endam mbirij-o.

MARAKUS 14:18

Lobok yigarik, mburu nonggolat koreyak woragolat-nen Yesus-nen yosolar-e: ”An-e ndemeret yak kundusu-o. Kit an totno mburu nili nap mbi-nen-e an niminep wusuruwa-o” luk yij-o.

MARAKUS 14:35

Yurug-e, Yesus na iri me-nen siyak mberarig-e, erare nggwe nggweyak ma tud luk-nen tepan yosolar-e: ”Andi bandi nebem mbusu yu lak tak purak op ala-ge, lak tak pi-o” luk yij-o.

MARAKUS 14:40

Iri luk, at na tuguruk lobok yidnggal-e, at owosirak na enlengen lamborosoloma, nene yikma, eneyagaij-o. Alama-ge, wene no yak turak nggal inndi kabak yiga-o.

MARAKUS 14:42

Men luk, log-o. An wesel nuburak nab-e lobok yusu iri ker-o” luk yak indij-o.

MARAKUS 7:9

Yak unduruk, Yesus-nen tuguruk it yak ondosolar-e: ”Nde, kir-e Mbal Pem Nagawan-nen: ’Irit kwarurag-o’ yidnak wene keya buruk, kit kondomok-nen kwarugwi wene tena wolmomtag-e kir-e mondok kenaru lombog-o!

MARAKUS 9:31

Yesus-nen at owosirak na mul ondosolar-e: ”Ap Ambara-ge ap ininggem puwama, it-nen wuruwa-o. Wuruwama-ge, mberen naruk, kenan tak purak pem-e uruk ma-o” luk yak indij-o.

YOANES 12:23

Yak togolikma-ge, Yesus-nen it yak ondosolar-e: ”Ap Ambara an nunu kek tak purak tarem-e ndak agaij-o.

YOANES 12:27

Yuruk, Yesus-nen yosolar-e: ”Yawo-ge an nindi andi kwarat yidnak me, no wene nde yimin-o? ’Neid wa-e. Iri kwat nuburak tarem-e an nebem wok ma naru, nimiri yi-o’ luk yimin, lak? Lag-o. Iri kwat nuburak pem-et lobok yigi-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 7:30

Iri tarem-net it-nen-e at tenagurak yiga-t nde, at tenagurak tarem-e awo wok yigit lak me, ap misiger-o luk tet at tenagurak meya agaij-o.

YOANES 8:20

Yesus-nen wene iri yosolar-e, Mbal Pem Nagawan ama-nen Mbal Pem Nagawan amanggim tol pugwi ondoro eralu worasolat-nen yij-o. Nde, at tenagurak tarem-e awo wok yigit lak me, ap misiger-o luk tet-nen at tenakit lag-o.

YIDNAK YIDNAK WENE 7:52

Mbal Pem Nagawan ene lomboksa yugwi nap, kit kenlawingga-nen lel mberel inpigit lak nab-e ta rak nag-o? Konak Nab-et lobok yuwa-o luk urul pogolat woraiga nab-e kit kenlawingga-nen indiga-o. Nde, yawo kit-nen na Konak Nap iri iminep wisirik puruk wirigep nar-o.