MARAKUS 13:27 - Nanduk Ngget Tul Pidnak Wene

²⁷ Lobok yosolar-e, at ilirak o nggweyak unggut empat nggwe-nen na o nggweyak erep woroksiyem min mbal erep worksiyem min-nen na oboksa ndok wat unpuwaklug-e, aid nap iri wirik unpuwa-o.

MARAKUS 13:27 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

YESAYA 65:9

Isarael nap ennggendumu enlem Yewura nab-e an-nen imbiringgat tak inpimin-o. Nde, it-nen wigarag-e an-nen idnak nggweyak ndobo worak ereba na nggwe winde ma-o. An-nen lenak inpidnak nap, ndegel nubugwi nab-e iri me-t wolma-o.

MATIUS 12:42

O araptak ponok (selatan) nggwe-nen lobok yidnak kwe nagawan iri na-nen-e Salomo indi kwid pidnak wene kuleyek-lug-e, nggweyak erep yoboksa-nen lobok yidnak me, ap pidsa enpem wene mbaruwa tarem-nen-e kwe iri na-nen yawo worali nap kinmin men yuwarig-e, kit kenpem wene mbaruwa-o. Salomo iri-ge nggulog-et nde, terak minik nggulok misig-e yu me worasu-o!”

MATIUS 13:41

Nde, Ap Ambara-ge at-nen idnak aid nap ereya na wirik unpuwama-ge, it-nen-e at-nen tenagaidnak wi iri me-nen-e ap inndi kabak tak pugwi nap min meya nak kwarugwi nap oboksa min ndok worak unpuruk,

MATIUS 13:49

Nde, i worok yuwa tarem-e iri nggal aid nap lobok yogolar-e, lud tak nak kwarugwi nap ennggenggerak-nen meya kwarugwi nap na lenak unpuruk,

MATIUS 24:22

Nde, Mbal Pem Nagawan-nen iri kwarurak tarem-e poro rak pigit lak yid nggal-e, ap misiger-o luk tet imiri yigit lak yeleb-o. Alat nde, at-nen len inpidnak nap enmanggim-e iri kwarurak tarem-e poro rak puwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 24:31

Nde, posid poba nggulok na ene yosola-ge, at-nen-e at-nen idnak aid nap ereba wirik unpuwama-ge, at-nen len inpidnak nab-e nggweyak unggut empat nggwe-nen na, o nggweyak erep worok siyem min mbal erep woroksiyem min-nen na ndok worak unpuwa-o.”

MARAKUS 13:20

Nde, Nagawan Indo-nen iri yurak tarem nde poro rak pigit lak nggal-e, ap misiget tet imiri yelep pug-o. Alat nde, at indi-nen len inpidnak nap enmanggim-e iri yurak tarem-e poro rak pij-o.

MARAKUS 13:22

Enesiget siget Kerisut min enesiget siget Mbal Pem Nagawan ene lomboksa yugwi nap min-e men ma-o. Nam yogolar-e, Mbal Pem Nagawan ilirak na enmberam ludtak ndak ala-ge, enmberam lujwoklug-e, wi yurak mende min kwiye worak mende min kwaruwa-o.

MARAKUS 13:28

E ara-nen kwaroso mende-ge kwara kenaru mer-o. Angga peyekluk ambarok posola-ge, E! Yawo o kibi yusu-o luk peragwi nar-o.

LUKAS 16:22

Misik tarem-e isilobulo lak nap na wat yosola-ge, aid nap-nen at wok uburuk Abaram eralu piga-o. Nde, imbirig-e isilobulo worak nap na wat yamu, yapma piga-o.

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 11:52

Nde, Yesus elem nap Yawuri nap enarig-et nak ondolma wat momtak pem-e lag-o. Are, Mbal Pem Nagawan ilirak yi wi ndi wi ndi rak inpidnak na ndok wosa misiget tak unpurak pem wat yij-o.)

OROMA 8:33

Mbal Pem Nagawan-nen len ninpidnak nap nir-e ta-nen nonpok puwa-o? Mbal Pem Nagawan-nen lud tak nak ninpidnak me,

TUGURUK YIDNAK WENE 30:4

Yi wi ndi wi ndibi ndi rak woragub-et nde, Nagawan Indo Kenmbal Pem Nagawan-nen ndok wat kunpuruk, tuguruk wok kunpuruk lobok yuwa-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

2 TESALONIKA 2:1

Nit Nenagawan Indo Yesus Kerisut lobok yurak wene min, nit at eram ndok worak nunpurak wene min ala-nen an-nen kiri keresa yak kundusu-o. Nenggamirak wa-e.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.