MARAKUS 13:11 - Nanduk Ngget Tul Pidnak Wene

¹¹ Nde, it-nen tena kunpuruk, ap enpem wene mbarugwi sa lit kunpuruk mborogola-ge, ’An-e no yimin-o?’ luk kunmud kudtak pug-o. Kat-nen yurak tarem wok yosola-ge, ereya-net kemendam tak pidnak irit yurag-o. Nde, kat-nen yugun iri na-ge kat-nen-e lag-o. Are, Konak Indi-nen kemendam tak pidnak wene-nen yusu-o.

MARAKUS 13:11 ပူးပေါင်းရင်းမြစ်များ

2 SEMUEL 23:2

Nagawan Indo Indi-nen an nemndam nggwe-nen wene yusu-o. At-nen yidnak wene-ge an nemnde bem worasu-o.

YESAYA 50:4

An-nen yimin wene bem ap enpabok lak ereba na enmawi rak purak pem-e Nagawan Indo Kek tak iri na-nen an-nen wene yurak mirik nibij-o. Pempa kuplila-ge at-nen an mul nururak wene iri na kuluwaklug-e, neyanggo anggat worak tak bosolat woraso-o.

MATIUS 10:17

Ap oboksa enabiyem-o luk kwil kwalsa wolmer-o. Ap erep-nen-e kit wok kunpuruk, wene mbarugwi nap endam kinpil mborogola, it-nen idnak tepan yugwi ma ereba me-nen linggamburok kunduwa-o.

MARAKUS 13:12

Onowe onowot-nen nde, onowe onowot na unduwakluk inminep wisirik pogolat, ineidtak-net nde, inlirak unduwakluk inminep wisirik pogolat, inlirak-net nde ineid iniyarak insilepma enpem puruk, ineid iniyarak na unduwakluk inminep wisirik pogolat ma-o.

MARAKUS 13:9

Alat nde, kir-e mondok kwara wolmer-o. Tenaga lit kunpuruk mburuwarik, wene mbarugwi nap ininggem konpogolat, Yawuri nap tepan yugwi ma-nen mbut kondogolat, an nebem ala, pemerinta nap min nagawan nagawan min ininggem kunpuwa-o. Nde, iri kunpuwa iri-ge an-nen yidnak wene it kenggera yak undurak tarem nanongga-nen yusu-o.

LUKAS 21:12

Alat nde, iri mende pidsa kwarigit lak ma-ge, ap-nen tenaga lel mberel kunpuruk, kit kenpem wene mbaruwakluk tepan yugwi ma kinpil mbutluk, o kubu me kinpil nggogoluk, kir-e an nowosirak ala karuk, nagawan nagawan min pemerinta min-nen kit kenpem wene mbaruwakluk it ininggem kunpuwa-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YIDNAK YIDNAK WENE 2:4

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

YIDNAK YIDNAK WENE 3:13

Abaram min Isak min Yakub min Enmbal Pem Nagawan iri-ge nit nenlawingga Enmbal Pem Nagawan-nen-e at Ndegel Oboso Nap Yesus na unu kek tak pij-o. Yesus na-ge kit-nen wesera wok ondogolat, Pilatus-nen-e ’Mondok keyap tak purak’ peragaij-et nde, kit-nen Pilatus imbiri bem-et wesera keya bigeb-o.

YIDNAK YIDNAK WENE 4:31

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

YIDNAK YIDNAK WENE 6:10

Alat nde, Konak Indi-nen indi pindong tak wene Sepanus emendam tak posola me, it-nen at imin wene onggo yurak meya agaidj-o.

YIDNAK YIDNAK WENE 6:15

Yogolikma-ge, it wene mbarugwi sa koreyak woraidnak nap oboksa-nen-e Sepanus na enlengen kere kererak yik karok worakmu-ge, at erare-ge aid nap erare nggal irit yik kaiga-o.

YIDNAK YIDNAK WENE 7:55

Alat nde, Sepanus na-ge Konak Indi-nen arem kobong tak woralat-nen-e erengen aid arem lik kagaidnggal-e, Mbal Pem Nagawan abinal karug-e, Yesus na-ge Mbal Pem Nagawan inggi kigit nggwe mendak worala karuk,

1 KORINTUS 2:13

Iri ala-ge, nit-nen mul indili wene-ge ap inndi tenggerak pem mul indili-ge lag-o. Alat nde, Konak Indi nak-nen mul ondoso wene bem-et Konak Indi-nen yoso wene-ge Konak Indi wanidnak nap irit mul indili-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.