MARAKUS 12:6 - Nanduk Ngget Tul Pidnak Wene

⁶ Yogolikma-ge, yabu winde eram-e ap misiget nak woragaij-o. Nde, iri-ge at ambara indi kundugu irit worala-ge, abok nggwe-ge at ambara-ge it endam wirik obosolat-nen yebet kasolar-e: ’An nambara yu-ge it-nen-e kek tak ubuwa-o’ luk yebet kagaij-et nde,

MARAKUS 12:6 ပူးပေါင်းရင်းမြစ်များ

NDAK WIRIDNAK WENE 22:12

Yosoloma-ge, Nagawan Indo-nen aid nap yak tamu, Abarakam yak tosolar-e: ”La iri andi bandi rak posolat, ebem yi kwatlik ndi kwatlik kwarurak pug-o. Kar-e kambara misiget nderag-et nde, kar-e an-nen yidnak iri na-t kek tak posolat, an-nen yidnak yidnag-et kwarosolar-e, kambara kindi angin lag-et wosa an namanggim peyekluk yusu keyagi-o” luk yak tij-o.

NDAK WIRIDNAK WENE 22:2

Yosoloma, Mbal Pem Nagawan-nen yak tosolar-e: ”Kar-e kambara misiget nderak Isak kindi kundik iri imin luk, o Moria nggwe mbiri-o. Nde, ereba ma-nen an-nen-e ndobo misik mirik kibimin-o. Nde, ndobo iri bem-e kambara iri-ge an namanggim wosa kan pi-o” luk yak tij-o.

NDAK WIRIDNAK WENE 37:3

Nde, Yusup iri-ge Yakub-e ap indi worak pem-nen ndagidnak me, Yakup-nen mondok indi kundugu irit woralat, nde, owerak ereba enabuwa-ge marik nggal kasolat woragij-o. Nde, misik tarem-e Yakup-nen-e sum konak misik Yusup amanggim yagij-o.

NDAK WIRIDNAK WENE 44:20

nit-nen onggo yak korogolar-e: ’Nit nineid iri-ge abu indi worak worasu-o. Nde, nonowor-e ap indi worak pem-nen ndagidnak worasu-o. Nde, nonowot iri iniya misik-nen nderak owe-ge wat yamu-o. It mberen nak nderak nde, at yu arig-et nak uruk worasu-o. Nde, at yu ebem-e eid indi kundik-nen yusu-o’ luk yak kirige-o.

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MARAKUS 1:11

Iri lug-e, aid arem-nen ene pil mbuwasolar-e: ”Kar-e an Nambara nindi kundik-nen yusu-o. Kat kebem an nalen kasu-o” luk yij-o.

MARAKUS 12:5

Wirik ibiga-t nde, yabu winde-nen-e tugurug-et ndegel oboso nap nin mbi wirik ibil lobok yosola-ge, it-nen mondok wiriga-o. Iri nggal nag-et kwat tenak worogolar-e, ndegel ubugwi nap ereb-e nggambu ondogolat ereb-e mondok abu ondogolat yiga-o.

MARAKUS 12:7

yabu parugu worali nap na-nen yak kerak mbogolar-e: ’Eid onggweyak winde yuwa nab-e yur-o. Onggweyak winde yuwok-nen wuruwog-o’ luk yiga-o.

MARAKUS 9:7

Yosoloma-ge, nggan nggan mbi-nen it muruksa keya onposoloma-ge, nggan nggan arem-nen ene mbi-nen yosolar-e: ”Yu-ge an Nambara nindi kundik-nen yusu-o. At ene nak koler-o” luk yosola kuliga-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

LUKAS 9:35

Nde, nggan nggan na arem-nen ene iri-nen yosolar-e: ”Yu-ge an Nambara, an-nen len ibidnak nap-nen yusu-o. At-nen yidnak wene nak koler-o!” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

IBERANI 1:6

Nde, Mbal Pem Nagawan-nen at Ambara manggu iri-ge nggweyak ma yu me ibil mbuwayekluk-nen yosolar-e: ”Mbal Pem Nagawan-nen idnak aid nap oboksa-nen-e at nak erembel wanuwag-o” luk yij-o.

1 YOANES 4:9

Mbal Pem Nagawan-nen nit nenabuwa kaso na nam tak posolar-e, nir-e at Ambara ebem-nen nunlug-et wolmaklug-e, Mbal Pem Nagawan-nen-e at Ambara misiget nderak na nggweyak ma yu me pil mbuwagaij-o.

3 YOANES 1:1

Nindi kundik nanggam Nggaius wa-e. Ogore yidnak nap an-nen ndemeret kabuwa kasu-o luk engga yu mbal kurusu-o.