MARAKUS 12:40 - Nanduk Ngget Tul Pidnak Wene

⁴⁰ It-nen kweyap togwe enmberam lagolar-e, it unuwi mengga wanogoluk, it meya yidnak iri na lumurogolar-e, tepan mondok mot lit karuk mburugwi-o. Nde, iri kwatli nap iri-ge angin worak mende mondok enpem puwa-o” luk yij-o.

MARAKUS 12:40 ပူးပေါင်းရင်းမြစ်များ

MIKA 2:2

Ereba na kwarogolar-e, it-nen nde yabu misik wanurak perarug-e, yabu iri na-ge mengga wanogolat, nde, it-nen nde o misik ukwe perarug-e, o iri na ndela nggogolar-e, iri me woragwi nap ereba na enarengge enmawi bem mengga wanogolat, enpe na lel mberel onpogolat, kwat tenak woragola, enarengge wanili nab-e yamuksa worali bug-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MATIUS 23:14

Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kit-nen-e nanongga kweyap togwe unuwi na yariya wanogolat ereya na-net ap-nen op-net yili-o yuwaklug-e, tepan mot pare yili-o. Iri bem-e kit kenpem wene mbarosolar-e, angin worak mende kwarat kenpem puwa-o!]

MATIUS 23:33

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?

MATIUS 6:7

Nde, kit-nen tepan yogolar-e, it Mbal Pem Nagawan enaru buk nap-nen tepan yogolar-e, wene ereya na nag-et tuguruk yik tenak worali iri na nggal yurak pug-o. It inndi-nen peragolar-e: ’Nit tepan motsa yul iri bem-net kuluwa-o’ luk perali-o.

MARAKUS 12:39

Yawuri nap tepan yugwi ma-nen ap kek tak-nen kore yugwi sa nak kore yogolat, nunggwi mende sakwi tarem-nen ap nggok-nen kore yugwi sa min nak kore yurak peragwi-o.

LUKAS 20:47

It iri-ge kweyap togwe na onmbol pem lagolat, it unuwi mengga wanugwi-o. Nde, it-nen meya kwarugwi na lumurogolar-e, ir-e tepan mot pare lit karuk mburugwi-o. Iri kwatli iri-ge it enpem-e wene angin worag-et mbaruwa-o” luk yij-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 TIMOTIUS 3:6

It ennggendumu ap erep-nen-e ap enma ya nggwilik nogolar-e, meya yurak inndi te yidnak kwami, it meya yidnak mondok kwarat-nen tebel inpidnak kwami, it-nen ukwe peraidnak nin tak nan tak kobong tak pidnak kwami ereba na enare puwokluk ya nggwilik nili-o.