MARAKUS 12:36 - Nanduk Ngget Tul Pidnak Wene

³⁶ Ndaud at na Konak Indi-nen yak tosola, Ndaud-nen yosolar-e: ’Nagawan Indo-nen an-nen idnak Nagawan Indo yak tosolar-e: An ninggi kigit nggwe koreyak irit worasoma, kat kuwim nab-e an-nen kat kuwok unggutmu teberak inpimin-o luk yak tij-o.’

MARAKUS 12:36 ပူးပေါင်းရင်းမြစ်များ

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

IBERANI 1:13

Nde, Mbal Pem Nagawan-nen aid nap misiger-o luk tet yak tosolar-e: ”An-nen-e kat kimin wim nab-e kat kijok ondoro nggal tak enpeyekluk worala-ge, kar-e an ninggi kigit nggwe koreyak wuri-o” luk mondok yak ondoso bug-o.

1 KORINTUS 15:25

Nde, Mbal Pem Nagawan-nen Kerisut imin sirid nap pidsa-ge at ujok ma rak enpeyekluk woralar-e, Kerisut na-ge Nagawan worasolar-e, pemerinta-nen tena woragwi mende mondok at-nen tena wolma-o.

YIDNAK YIDNAK WENE 1:16

”Nanggamirak wa-e. Yuras-nen Yesus tenagaidnak nap ininggi waruk lobok yid iri-ge at urul-e nanduk Konak Indi-nen Mbal Pem Nagawan engga bem Ndaud emendam tak pidnak wene iri na mondok ndak ndak tak posolat-nen kwarij-o.

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

2 SEMUEL 23:2

Nagawan Indo Indi-nen an nemndam nggwe-nen wene yusu-o. At-nen yidnak wene-ge an nemnde bem worasu-o.

2 PETERUS 1:21

Nde, Mbal Pem Nagawan engga bem abok-nen kwat momtak urul paga pidnak wene iri-ge ap inndi-n pidnak pem-e mondok mbarigir-e lag-o. Are, Konak Indi nak-nen mul ondosola, ab-e Mbal Pem Nagawan-nen yidnak wene ap yak undugwi-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

IBERANI 4:7

Nde, Mbal Pem Nagawan-nen ”Iri tarem-o” luk yid iri-ge yawo yu min-et yij-o. Nde, iri wene-ge Mbal Pem Nagawan-nen Ndaud emendam tak pij-et nde, olengen kwarat woraruk ombol nggwe yanem abam nggwe yigi engga wene (3:15) iri arem-nen tuguruk yosolar-e: ”Kir-e yawo Mbal Pem Nagawan ene kulurug-e, keneyanggo lak yurak pug-o” luk yij-o.

2 TIMOTIUS 3:16

Mbal Pem Nagawan engga bem mbarak worasu wene pidsa-ge Mbal Pem Nagawan-nen enmendam tak pidnak wene-nen yusu-o. Nde, engga iri bem-nen-e ndemeret wene mul nondosolat, meya yidnak nam tak posolat, ap enpage mot tak posolat, konak nak kwaruwakluk nggomo nondosolat momtag-e ndak-nen yusu-o.

YIDNAK YIDNAK WENE 28:25

Woragolar-e, it inndi arik tak kuri wat luk, ndi yuwokluk yukmu-ge, Paulus-nen wene misik yu yak ondosolar-e: ”Konak Indi-nen-e Mbal Pem Nagawan ene lomboksa yoso nap Yesaya emendam nggwe-nen kit kenlawingga ndemeret wene yak ondosolar-e:

MATIUS 5:35

Nde, nggweyak yu-ge Mbal Pem Nagawan ijok ondoro-nen yusu me, nggweyak yu unu luk owak mbarurak pug-o. Nde, Yerusalem iri-ge Nagawan nggulok uwi siri-nen yusu me, Yerusalem unu luk owak mbarurak pug-o.