MARAKUS 12:24 - Nanduk Ngget Tul Pidnak Wene

²⁴ Kin wok obogolikma-ge, Yesus-nen onggo yosolar-e: ”Kir-e Mbal Pem Nagawan engga min Mbal Pem Nagawan amawi min-e kenaru buk me, kir-e mondok kinndi kabak yili-o.

MARAKUS 12:24 ပူးပေါင်းရင်းမြစ်များ

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

OSEA 13:14

It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

OSEA 6:2

Nde, o mberen pem, lak, kenan pem, lak ya woragolar-e, at-nen ki rak nunpuwama, at indipma wulmul-o.

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

MARAKUS 10:27

Yogolikma-ge, Yesus-nen it yik eneyasolat-nen yak ondosolar-e: ”Ki nap-nen inmiri yurag-e meya-t nde, Mbal Pem Nagawan-nen perak nde inmiri yurag-e ndak-net yusu-o. Mbal Pem Nagawan-nen yi mende ndi mende kwarurak iri-ge pidsa ndak-nen yusu-o” luk yak indij-o.

MARAKUS 12:23

Nde, kwe iri-ge ap enpe tuju iri pidsa-nen wanidnak me, wat yidnak nap men ma tarem-e, kwe iri-ge ta ogwe nde ma-o?” luk kin wok ibiga-o.

MARAKUS 12:25

Wat yidnak nap mendak unpuwa tarem-e, wok kerak mbuwa bug-o. Are, aid nap aid arem worali iri nggal nak wolmomtag-o.

LUKAS 1:37

Mbal Pem Nagawan-nen kwarurag-e pidsa ndak nak-nen yusu-o” luk yij-o.

YOANES 20:9

(Nde, Mbal Pem Nagawan engga bem-nen yosolar-e: ”Wat yidnak nap ennggendumu-nen mondok urug-et ma-o” yidnak na-ge iri tarem-e it-nen awo yenggerak pigit lag-et woraiga-o.)

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

EPESUS 1:19

nit ninndi angin tubu yidnak nap nenarem yabu wanoso amawi mondok nggulok iri na kenaru tobok-nen na kenmanggim tepan yoso-o. Nde, nit nenarem worasu amawi iri-ge,

PILIPI 3:21

At lobok yuwarig-e, nit nenpe piri yoso yu-ge nin tak nunpuruk, at ebe abinal worak iri nggal tak nunpuwa-o. Iri kwat nonposolar-e, yi mende ndi mende oboksa at urugwe nggwe rak poso amawi iri bem-net kwat nunpuwa-o.