MARAKUS 12:2 - Nanduk Ngget Tul Pidnak Wene

² Mberarik woralar-e, engen ogore yoso ndak ndak tarem at-nen at ndegel oboso nap mbi anggut engen erep na wok tuwakluk, parugu worali nap na endam wirik ibij-o.

MARAKUS 12:2 ပူးပေါင်းရင်းမြစ်များ

ESERA 9:11

Kat-nen nenpem pidnak wene-ge kat kene lomboksa yugwi nap min kat ndegel kubugwi nap min enpem pigenma, it-nen yak nondogolar-e: ’Kit wolmomtak sa iri-ge iri me woragwi nap-nen-e mondok meya mbilaro ngin mende ereba na kwarogolat me, o nggweyak iri-ge mondok oboksa emben to rak pidnag-o’ luk yak nindiga-o.

NDAWI ENGGA 1:3

yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

MIKA 7:1

Engen abu mijo mburuk, lak yosoma-t nde, an-e nere bem engen mbaril-o luk mbutlug-e, engen-e abu mbaridnak kagit anggut engen min ara engen min konak ereba na-ge oboksa mbarosoma ari bem-e lak kagit mburugwi iri na nggal kwarusu yu-ge o! Mondok nabuwa-o!

MATIUS 21:34

Mberarik worasoma-ge, anggut engen ogore yosoma mbarugwi tarem panggo yosola-ge, yabu winde na-nen at ndegel pugwi nap wirik onposolar-e, at amanggim pidnak engen wok unduwakluk, it parugu worali nap endam wirik inpij-o.

MARAKUS 12:1

Iri luk, Yesus-nen nden karuk wene bem it tepan omborak nagawan nagawan min imiri mbarak pidnak wene enaru nap min Yawuri nap nagawan nagawan min yak ondosolar-e: ”Ap misik-nen-e anggut engen uwi yaguruk, leget wanuruk, engen amburu mbulurak ondoro nggweyak yaluruk, yik karok wolmomtak o lije teram mbi wirij-o. Iri rak puruk, ap erep-nen parugu woraidnak pem engen mbi wanuwakluk yak undurug-e, at iri-ge o nin sa mbirij-o.

MARAKUS 12:3

Wirik ebamu-ge, it parugu worali nap na-nen-e ndegel obosa nap na tenaguruk, nggambu wosa we irit wirik ibiga-o.

LUKAS 12:48

Alat nde, ndegel oboso nap-nen-e at eid indi-n pidnak mende aru buk me, nggambu andi warat kudtak mende nde kwarosola-ge, nggambu andi marik nggal kujwa-o. Ta-nen nde kwarat at inggem pidnak nap ebem-e at-nen kwaridnak iri-ge mondok kwarat lumbunuwa-o. Nde, ’At yu ndak-net yusu-o’ luk eberaidnak nap ebem-e at-nen kwaridnak iri lombonosolar-e, ija-t kwaruwa-o” luk yij-o.

LUKAS 20:10

Woralar-e, engen ogore yoso tarem ndak ndak wok yosola-ge, parugu worali nap-nen yabu winde iri na amanggim anggut engen erep wok tuwakluk, at ndegel oboso nap mbi it endam wirik pij-et nde, parugu worali nap iri-nen ndegel oboso nap na nggambu wosa we irit wirik ibiga-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.