MARAKUS 12:17 - Nanduk Ngget Tul Pidnak Wene

¹⁷ Yogolikma-ge, Yesus-nen it yak ondosolar-e: ”Iri nde ala-ge, Kaisat arengge ala, Kaisat amanggim purag-o. Nde, Mbal Pem Nagawan arengge ala, Mbal Pem Nagawan amanggim purag-o” luk yosoloma kuluruk, wi langgu mbariga-o.

MARAKUS 12:17 ပူးပေါင်းရင်းမြစ်များ

NGGOMO WENE 23:26

Nambara wa-e. Kwara lombot perenak woraruk, ap-nen kebage imbirik mburuwakluk an-nen worasu nebage yu nak wanurag-o.

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 22:21

Yosoloma-ge, it-nen yogolar-e: ”Kaisat-nen idnak-nen yusu-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, Kaisat arengge iri-ge Kaisar-et wok turag-o. Nde, Mbal Pem Nagawan arengge iri-ge Mbal Pem Nagawan-et wok turag-o” luk yak indij-o.

MATIUS 22:22

Yak ondosoloma, wene iri kuluruk yigarig-e, wi yuruk, at keya buruk mbiriga-o.

MATIUS 22:33

Iri yosoloma kuluruk, at-nen mirik inpid iri na bem ap kwarat ereba-nen wi langgu mbariga-o.

MATIUS 22:46

Nde, ap misiger-o luk tet at ene onggo yigit lak yiga-o. Nde, iri tarem-nen-e Yesus kin wok uburag-e kwiye yiga-o.

MATIUS 8:10

Iri yosoloma, Yesus-nen wene iri kolosoluk, wi luk, at imbirik nili nap yu na yak ondosolar-e: ”An-nen yak kendeyeg-o: Isarael nap ennggendumu-nen-e indi angin tubu yidnak nap misik mbi yu nggal an-e kaso bug-o.

MARAKUS 12:16

Yak ondosoloma-ge, kerep tol mbi pil lobok yogolikma-ge, at-nen it kin wok onposolar-e: ”Tol yu ebem-e ta amorok ndak worak min ta unu min mbarag-o?” luk kin wok onposoloma-ge, it-nen yogolar-e: ”Kaisar-o” luk yiga-o.

MARAKUS 12:30

Nagawan Indo kit Kenmbal Pem Nagawan abuwa kagolar-e, kinndi oboksa min kenpe oboksa min kinndi nggat nggat oboksa min kenmawi pidsa min-net at abuwa kagolat wolmer-o.’

LUKAS 20:25

Yogolikma-ge, Yesus-nen it yak ondosolar-e: ”Iri ala-ge, Nagawan Kaisat arengge ala-ge, ar-et wok ter-o. Nde, Mbal Pem Nagawan arengge ala-ge, Mbal Pem Nagawan-et wok ter-o” luk yak indij-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 13:7

Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.