MARAKUS 12:12 - Nanduk Ngget Tul Pidnak Wene

¹² Yosoloma-ge, Yawuri nap ap yok nggok ereba-nen-e: ”Nden karuk wene yid yu-ge nir-et yak nindij-o” luk Yesus tenaguwokluk yiga-t nde, ap kwarat ereba na enaye-nen at keya buruk, mbiriga-o.

MARAKUS 12:12 ပူးပေါင်းရင်းမြစ်များ

MATIUS 21:26

Nde, nit-nen nde: ’Ki nap-nen yidnak pem-o’ luk yogola-ge, ap kwarat yu-nen-e Yoanes iri-ge Mbal Pem Nagawan ene lomboksa yoso nab-o luk eberagwi me, it iri na ngge kwat nunpuwa-o? It inndi aye-o” luk yiga-o.

MATIUS 22:22

Yak ondosoloma, wene iri kuluruk yigarig-e, wi yuruk, at keya buruk mbiriga-o.

MARAKUS 11:18

Mul ondosoloma-ge, tepan omborak nagawan nagawan min imiri mbarak pidnak wene enaru nap min-e Yesus-nen yid wene kuluruk, at-nen mul indidnak wene bem ap pidsa-nen wi langgu mbarugwi ala karuk, it-nen-e at ugwiye-nen at wuruwokluk tu kore yiga-o.

MARAKUS 11:32

Alat nde, nit-nen nde: ’Nggweyak ma nap enmawi bem-nen-o’ yurag-e it ap pidsa-nen-e: ’Yoanes iri-ge ndemeret Mbal Pem Nagawan ene lomboksa yoso nab-o’ luk eberagwi me-o” luk iri-ge ap ereba na inndi aye-nen larok yiga-o.

LUKAS 20:19

Wene iri yid tarem ereya na-net, ”Nden karuk wene yu-ge nit-et yak nindij-o” luk it imiri mbarak pidnak wene enaru nap min tepan omborak nagawan min-nen Yesus tenaguwokluk yiga-t nde, ap kwarat iri enaye-nen larok yiga-o.

LUKAS 20:6

Nde, nit-nen nde: ’Ki nap-nen yidnak pem kwarij-o’ luk yulndig-e, ap pidsa-nen-e Yoanes iri-ge Mbal Pem Nagawan ene lomboksa yoso nab-er-o luk eberagwi me, nit kerep pem nunduwa-o” luk yiga-o.

YOANES 7:25

Yak ondosoloma-ge, Yerusalem nap erep-nen yogolar-e: ”At yu-ge wuruwokluk tu kore yili na-ge yu-t lak?

YOANES 7:30

Iri tarem-net it-nen-e at tenagurak yiga-t nde, at tenagurak tarem-e awo wok yigit lak me, ap misiger-o luk tet at tenagurak meya agaij-o.

YOANES 7:44

It erep-nen-e Yesus na tenagurak inndi peraigat nde, at tenagurag-e kwiye ala, keya biga-o.