MARAKUS 12:1 - Nanduk Ngget Tul Pidnak Wene

¹ Iri luk, Yesus-nen nden karuk wene bem it tepan omborak nagawan nagawan min imiri mbarak pidnak wene enaru nap min Yawuri nap nagawan nagawan min yak ondosolar-e: ”Ap misik-nen-e anggut engen uwi yaguruk, leget wanuruk, engen amburu mbulurak ondoro nggweyak yaluruk, yik karok wolmomtak o lije teram mbi wirij-o. Iri rak puruk, ap erep-nen parugu woraidnak pem engen mbi wanuwakluk yak undurug-e, at iri-ge o nin sa mbirij-o.

MARAKUS 12:1 ပူးပေါင်းရင်းမြစ်များ

YESAYA 7:23

Nde, ereya tarem-e anggut yabu oboksa-nen yabu misik me-ge anggut ari-ge seribu ya worala, onggo pogolat na perak tol seribu pili ereba na-ge ondolma-ge isile worak linggat nak yak ma-o.

YEREMIA 2:21

Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

MATIUS 13:3

Woragola-ge, at-nen nden karuk wene bem wene kwarat yak ondosolat-nen yosolar-e: ”Uwi pil kaso nap misig-e uwi pil kil mbirij-o.

MATIUS 21:28

”Wene yu-ge kit kinndi-nen-e ngge nde perali-o? Ap mbi ambararak mberen woragaij-o. At-nen-e ambara manggu iri na eram mberarik yak tosolar-e: ’Nambara wa-e. Yawo-ge kar-e anggut yapmu iri me yabu wil mbiri-o’ luk yak tij-o.

MATIUS 21:33

Yesus-nen yosolar-e: ”Nden karuk wene misik yu koler-o. Nggweyak winde nap misig-e eyabu anggut yabu woragaij-o. Worala-ge, leget waga kambuk tak puruk, engen amburu mbulurak ondoro nggweyak yaluruk, yik karok wolmomtak o lije teram misik wirij-o. Wutlug-e, it-nen parugu woraidnak pem engen erep wanuwakluk, ap yak unduruk, at iri na-ge o nin sa mbirij-o.

MATIUS 21:34

Mberarik worasoma-ge, anggut engen ogore yosoma mbarugwi tarem panggo yosola-ge, yabu winde na-nen at ndegel pugwi nap wirik onposolar-e, at amanggim pidnak engen wok unduwakluk, it parugu worali nap endam wirik inpij-o.

MATIUS 25:14

”Mbal Pem Nagawan-nen tenagaidnak wi-ge ap misig-e o nin sa mbereyekluk yosolar-e, ndegel ubugwi nap wene mbo unpuruk at arengge na at amanggim tena wolmakluk ininggem pid iri nggal-nen yusu-o.

MARAKUS 11:33

Iri perarug-e, it-nen Yesus yak togolar-e: ”Nir-e nenaru bug-o” luk yogolikma-ge, Yesus-nen it yak ondosolar-e: ”Iri ala-ge, an-nen-e iri amawi bem-nen yi kwatlik ndi kwatlik kwarusu-o luk yak kindimin pug-o” luk yak indij-o.

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

MARAKUS 3:23

Yogolikma-ge, Yesus-nen ap kwarat wene mbo unpuruk, nden karuk wene bem yak ondosolar-e: ”Sere-nen-e nggerak puruk Sere wirik poso-o?

MARAKUS 4:2

Worakmu-ge, nden karuk wene nin tak nan tak irit mul ondosolar-e, yu nggal yak indij-o:

LUKAS 15:13

Tembet endamu, siyak worasolar-e, owot iri-nen-e at arengge pidsa onggo wanosoluk mbirij-o. O wandakma mberarig-e, we kasa ereba an indi-n pidnak pem at arengge ereba na piril peral kagaij-o.

LUKAS 19:12

Iri bem Yesus-nen yosolar-e: ”Ap kek tak misig-e nagawan tak ubuwakluk, o erepma mberarik, lobok yij-o.

LUKAS 22:9

Yak ondosoloma-ge, it-nen at yak togolar-e: ”Iri-ge nir-e ngge me lid lud tak pul-o?” luk yiga-o.

LUKAS 8:10

Yogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene-ge kit kenaru yuwakluk we wok ondoso mende-ge wok kindidnak worasu-o. Alat nde, ap ereb-e it enlengen-nen kagolar-et nde, kagit lak yogolat, kologolar-et nde, yebet kagit lak yogolat makluk, nden karuk wene bem mul undusu-o” luk yak indij-o.

YIDNAK YIDNAK WENE 7:38

Nde, Musa iri na-t Isarael nap ndok worak ennggendumu karu me worala-ge, Sinai ndobo bem iri na me-nen aid nap-nen yak tidnak wene iri-ge ar-e ngarak koro me, nit nen-lawingga yak indij-o. Nde, nit yak nunduwaklug-e, unluk wolmomtak wenege Musa irit wok tij-o.