MARAKUS 10:52 - Nanduk Ngget Tul Pidnak Wene

⁵² Yosoloma-ge, Yesus-nen at yak tosolar-e: ”Kat kindi angin tubu yigen iri na-net ki rak kebamu me, mbiri-o” luk yak tosoloma ereya na-net erengen-nen kaso kwat luk, Yesus imin mbirij-o.

MARAKUS 10:52 ပူးပေါင်းရင်းမြစ်များ

NDAWI ENGGA 146:8

Enlengen ngguru woragwi nab-e enlengen kuwara keya bosola, kona yik kagwi rak onposolat, wosa mbidnak nab-e at-nen mendak onposolat, mot mot woragwi nab-e enabuwa kasolat kwaroso-nen yusu-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

YESAYA 35:5

Iri tarem-e ap enlengen ngguru-ge enlengen kona yik kagolat, ap eneyanggo lak wene kulugwi buk na enne kulugwi kwat yogolat ma-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 12:22

Iri luk, ap-nen-e kugi arem nggwidnak nap erengen ngguru, ene lak yidnak nap mbi Yesus eram waruk lobok yiga-o. Waruk lobok yogolikma-ge, Yesus-nen ap iri na ki rak posola, ap iri-nen ene yosolat, erengen-nen kasolat yij-o.

MATIUS 15:28

Iri yosoloma-ge, Yesus-nen kwe iri na yak tosolar-e: ”Kwe yu-ge wa-e. Kat kindi angin tubu yigen-e ijar-o! Kat kindi-n pigen irit kwat mag-o” luk yak tosoloma, ereya na-net at ara na-ge ki agaij-o.

MATIUS 21:14

Nde, Mbal Pem Nagawan ama iri me-nen-e enlengen ngguru nap nde, unuwok kambung puk tak woragwi nde, at eram lobok yogola-ge, at-nen-e ki rak inpij-o.

MATIUS 8:3

Yak tosoloma-ge, Yesus na at inggi-ge ap iri na ebem puruk-nen yosolar-e: ”Iri kwat kuburak nindingen-o. Ambut min-o” luk yosoloma, ereya nanet at ebem mbidnak ndigiril laso mbijap iri na ambut yij-o.

MATIUS 9:22

Alat nde, Yesus na nden karuk, kwe iri na karuk-nen at yak tosolar-e: ”Nara wa-e. Kindi tugup lak wolmin-o. Kat kindi angin tubu yigen iri-net ki yaga wok kirij-o” luk yak tosoloma ereya na-net kwe iri na ki yij-o.

MARAKUS 1:31

Yak togolikma-ge, Yesus na lobok luk, kwe na inggi tena buruk, mendak obosoloma-ge, embem wuloksa wiridnak na-ge lak yij-o. Iri lug-e, kwe na-ge it ndegel inpij-o.

MARAKUS 5:34

Yak tosola-ge, Yesus-nen kwe iri yak tosolar-e: ”Nara-o. Kat kindi angin tubu yigen iri na-nen kimiri yij-o. Kindi yek tag-et mbiri-o. Kar-e abu ki yigen-o” luk yak tij-o.

MARAKUS 8:25

Yosoloma-ge, Yesus na-nen inggi-ge ap na erengen tuguruk tenabosoloma-ge, at-nen kwara yik kagaidnggal-e, erengen kuwak yosolar-e, yi mende ndi mende pidsa nam nak kagaij-o.

LUKAS 7:50

Alat nde, Yesus-nen kwe iri na yak tosolar-e: ”Kat kindi angin tubu yigen iri-nen kimiri yamu me, kindi alen min-et mbiri-o” luk yak tij-o.

LUKAS 9:48

it yak ondosolar-e: ”An nunu bem la marik yu wanuwa nab-e an irit wok nubusu-o. Nde, an wok nubusu nab-e an wirik nibil lobok yidnak nap irit wanusu-o. Kit kennggenggerak marik worasu nap iri-ge nggulok-nen yusu-o” luk yij-o.

YOANES 9:32

Nggweyak yu ndak wiridnak kuri-net ija arem-net erengen ngguru ndesa mbidnak nap misik erengen kuwarak pidnak wene mbi kulugwi bug-o.

YOANES 9:39

Iri yosoloma-ge, Yesus-nen yosolar-e: ”An-e nggweyak ma yu me lobok yigi-ge ap enpem wene mbarosolar-e: Enlengen ngguru nab-e enlengen kuwarak posolat, enlengen op nab-e enlengen ngguru rak posolat yekluk-nen lobok yigi-o” luk yij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.