MARAKUS 10:32 - Nanduk Ngget Tul Pidnak Wene

³² Yesus min at owosirak min-e Yerusalem nggwe lagolar-e, Yesus na-ge it lit eneyaruk lasola-ge, owosirak na inndi nggwirik yiga-o. Nde, it inmbirik mbiriga nap-nen na kwiye kwarat kaiga-o. Kagolikma-ge, Yesus na-ge owosirak na lobok yer-o luk enarik mu-nen at kwat uburak wene yak indij-o.

MARAKUS 10:32 ပူးပေါင်းရင်းမြစ်များ

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 13:11

Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

MARAKUS 1:27

Mborosoloma-ge, ap ereba pidsa wi langgu mbatluk, kin wok kerak mbogolar-e: ”Yu-ge no mende-o? Wene yu-ge arig-er-o! At ene amawi bem kugi na ’Mbiri-o’ yak tosola-ge, at-nen yidnag-et kuluruk, kugi ereba na mbirij-o” luk yiga-o.

MARAKUS 4:34

It yak ondosolar-e, nden karuk wene bem-et yak ondosolat woragaij-o. Alat nde, at arik owosirak enarik nak inmin-nen-e wene pidsa nam-et para mul ondosolat woragaij-o.

LUKAS 10:23

Iri yurug-e, Yesus na nden karuk, at owosirak na enarikmu-nen yak ondosolar-e: ”Kir-e yawo kali yu kenlengen kaidnak pem-e konak lombog-o.

LUKAS 19:28

Yesus-nen wene iri na yurug-e, at-nen anggul tak puruk Yerusalem mbirij-o.

LUKAS 9:51

Yesus na aid arem wok uburuk ludtak tarem panggo yosola, Yerusalem mbururak peragaij-o.

YOANES 11:16

Yak ondosoloma-ge, Tomas na unu misig-e Kambera Nderak na-nen at anggamirak yak ondosolar-e: ”At imin totno wat mok-nen mburuwog-o!” luk yij-o.

YOANES 11:8

Yak ondosoloma-ge, it-nen at yak togolar-e: ”Mul Nondoso Nap wa-e. Yawuri nap-nen tono-t kerep pem kuruwokluk yiga na-t nde, tuguruk iri na me-t mburugun-a?” luk yak tiga-o.