MARAKUS 10:30 - Nanduk Ngget Tul Pidnak Wene

³⁰ yawo-nen perak terak mena winde yosolar-e, uwi min owe owot min iridtak min eid ija min ilirak min eyabu min-e winde yuwa-t nde, iri-nen andi bandi min-et wanuwa-o. Nde, abok-nen perak nde unlug-et pem-et wolmomtak elem irit wanuwa-o.

MARAKUS 10:30 ပူးပေါင်းရင်းမြစ်များ

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

MALEAKI 3:10

Nunggwi mende kwarat an nama emben mborosolat wolmakluk, kit kenarengge oboksa enggep lombok karetkwe an nama waruk lobok yer-o. An-nen yak kundusu yu nak mbi wal ker-o. Iri yogola-ge, an-nen mbal tu kuwara konak mende nak nggilara wok kindimin-o.

MATIUS 12:32

Ta-nen nde Ap Ambara imin meya wene yuwa-ge Mbal Pem Nagawan-nen amberam tak puwa-t nde, Konak Indi imin meya wene yuwa-ge, yawo-nen na, abok na abok na-nen na, Mbal Pem Nagawan-nen amberam tak puwa bug-o.”

MATIUS 13:8

Uwi ereb-e nggweyak konak pem mbid iri na-nen engen posolar-e, ereb-e seratus nggal posolat, ereb-e enam pulu nggal posolat, ereb-e tiga pulu nggal posolat yij-o.

MATIUS 6:33

Alat nde, kit-nen Mbal Pem Nagawan-nen tenagaidnak wi min at-nen lud tak nak tak onposo elem min nanduk tak pugupndig-e, iri mende oboksa wok kunduwar-o.

LUKAS 18:30

yawo-nen-e at arengge ondolmasa terak mena lesa wanuwa-t nde, abok-nen-e unlug-et woralik nalik wolmomtak elem wok tuwa-o” luk yij-o.

YOANES 10:23

Yesus na-ge Mbal Pem Nagawan ama Salomo abanggo bem waring kasoma-ge,

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 16:25

Alat nde, nggiringgendumu nggal-e Paulus min Silas min-e tepan yogolat, ndawi bem Mbal Pem Nagawan erembel wanogolat woragola-ge, o kubu me inpil nggwidnak nap erep-nen kologolat worakmu

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 5:3

Nde, iri kwarurak pem nak nenalen kali-ge lag-o. Nit andi bandi kali na bem nenalen kali-o. Nde, andi bandi mende iri-nen ninndi tugup lak uwi yaboso iri-ge nenaru me,

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.

1 TIMOTIUS 6:6

Nde, ap mbi-nen perasolar-e: ”An narengge yu-ge ndak worasu-o” lu peraso nap amanggim-e aid wene-nen-e ndemeret terak lesa wok toso-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.