MARAKUS 10:24 - Nanduk Ngget Tul Pidnak Wene

²⁴ Yosoloma-ge, at owosirag-e wene iri na kulurug-e, wi yiga-t nde, Yesus-nen tuguruk yak ondosolar-e: ”Nowosirak wa-e. It inndi silobulo nak yebet kali nab-e Mbal Pem Nagawan-nen tenagaidnak wi iri me nggurag-e angin kwarar-o!

MARAKUS 10:24 ပူးပေါင်းရင်းမြစ်များ

NGGOMO WENE 23:5

Kat kisilobulo-ge isiyamu worak luk pubu towe wunun teram nggwe mbiridnak nggal kat karengge-ge enlengen sambok yidnak nggal nak lak ma-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

ABAKUK 2:9

Kir-e anggun panggun mende min lak tak onposo mende min kit kenpem mbud ma naru, kit kunuwi konag-et wolmakluk abuwokma-nen ndogorogolar-e, kit kinsilepma bem-nen wanidnak mende ereba na bem-nen konkwela-ge ukwe lak yaga ndak yaga wok indili-o. Iri bem-e kir-e kinmbiri lamut mer-o!

MATIUS 19:25

Yak ondosoloma-ge, owosirak-nen wene iri na kulurug-e, mondok inndi yok pok mbogolat-nen at kin wok obogolar-e: ”Iri ala-ge tarak nggal-nen nde inmiri yuwa-o?” luk yiga-o.

MARAKUS 1:27

Mborosoloma-ge, ap ereba pidsa wi langgu mbatluk, kin wok kerak mbogolar-e: ”Yu-ge no mende-o? Wene yu-ge arig-er-o! At ene amawi bem kugi na ’Mbiri-o’ yak tosola-ge, at-nen yidnag-et kuluruk, kugi ereba na mbirij-o” luk yiga-o.

MARAKUS 10:23

Mborosoloma-ge, Yesus-nen at owosirak na yik eneyasolat-nen yak ondosolar-e: ”Insilobulo worak nap-nen-e Mbal Pem Nagawan-nen tenagaidnak wi-ge nggesa nggal-nen ngguwa-o!” luk yij-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

YOANES 13:33

Nilirak wa-e. Kit kinmin-e we siyag-et nak woramin-o. Ap nogore yugub-et nde, an-nen Yawuri nap yak indigi nggal, kit na irit yak kundusu-o. An mbirimin sa-ge kit-nen wok momtag-e meya-o.

YOANES 21:5

Nde, at-nen it yak ondosolar-e: ”Nowosirak wa-e. Keyane mbi wanigep, lak, lag-a?” luk yak ondosoloma-ge, it-nen at yak togolar-e: ”Mbi wanigit lag-o” luk yak tiga-o.

YOANES 6:60

Wene na yosoloma kulurug-e, Yesus imin nugwi nap kwarat-nen yogolar-e: ”Wene yu-ge angin worak me, ta-nen kuluwa-o?” luk yiga-o.

NGGALATIA 4:19

Nilirak kenabuwa worak wa-e. Kwami-nen li ndakolat yane wurugwi nggal, iri nggal-et Kerisut abage kit kenarem kwat makluk, an-e nilirak kit kenpem yane wurusu-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

1 YOANES 5:21

Nilirak wa-e. Kir-e kugiwak kwarugwi na kwarugup naru, mondok kwil kwalsa wolmer-o.

NAM PARA WENE 3:17

Kit-nen yogolar-e: ’Nit nenarengge kwarat, yi mende ndi mende ombo-nen yili-o. Nit-nen lak mende misik nendam worasu bug-o’ luk yili-t nde, kir-e kinpinil konmbomo na lak, we kunsu nggwarak worali iri-ge kenaru buk worali-o. Kinsilobulo na lak, kenlengen na ngguru, kunsum na lak, we koro nderak worali-o luk kenaru bug-o.