MARAKUS 10:22 - Nanduk Ngget Tul Pidnak Wene

²² Iri wene yak tosola karug-e, at isilobulo kwarat me, at indi kabak luk, indi puru min-et mbirij-o.

MARAKUS 10:22 ပူးပေါင်းရင်းမြစ်များ

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MATIUS 19:22

Yak tosoloma-ge, ap sugwe iri na-nen wene iri kuluruk yarik, at isilobulo-ge, mondok kwarat me, indi angin-nen indi puru luk mbirij-o.

MATIUS 27:3

At wesel indidnak nap Yuras at-nen yik kagaidnggal-e, Yesus na wururak wene ebem pidnak ala karuk, at indi puru luk, kerep tol tiga pulu ereya na tuguruk tepan omborak nagawan nagawan min ogore yidnak nap min wok indil mbirij-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

MARAKUS 10:23

Mborosoloma-ge, Yesus-nen at owosirak na yik eneyasolat-nen yak ondosolar-e: ”Insilobulo worak nap-nen-e Mbal Pem Nagawan-nen tenagaidnak wi-ge nggesa nggal-nen ngguwa-o!” luk yij-o.

MARAKUS 6:20

Yoanes na-ge konak lud tak nak kwaroso ala karug-e, Erores-nen Yoanes indi aye-nen-e at imiri yosolat woragaij-o. Nde, Yoanes-nen yidnak wene kolosolug-e, indi nden penden yosolar-et nde, alen min-et at ene kolosolat woragaij-o.

MARAKUS 6:26

Yosoloma-ge, nagawan iri-ge indi angin kwarat yij-et nde, at-nen-e: ”Wog-et kirimin-o” luk at-nen yonggo inpidnak nap inmbiri bem owak mbaridnak me, larok yurag-e meya agaij-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 18:23

Alat nde, wene na kulurug-e, ap iri na isilobulo kwarat me, indi puru pera yij-o.

2 KORINTUS 7:10

Mbal Pem Nagawan indi-n pidnak pem-nen ap inndi puru bera yugwi iri-nen-e ap inndi kondok yogola, inmiri yurak pem-nen kwaroso-o. Nde, iri yidnak ala, ”Noluk iri nggal kwat ninpij-a?” yugwi bug-o. Alat nde, nggweyak ma yu-nen yidnak inndi puru bera yugwi iri-nen-e wat yugwi elem kwarak poso-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.